Արդարադատության նախարարի ասածն իրականությանը չի համապատասխանում, որովհետև նախորդիվ վեթինգին նմանվող որևէ գործառնություն չի իրականացվել: Այս մասին «Առաջին լրատվական»-ի հետ զրույցում նշեց «Հանուն Հանրապետության» կուսակցության ղեկավար մարմնի անդամ Արտաշես Խալաթյանը՝ անդրադառնալով նախարար Ռուստամ Բադասյանի հայտարարություններին, թե երբեք էլ վեթինգի ֆործընթացը չի դադարել, հիմա էլ համակարգային վեթինգ է իրականացվելու:
«Թեպետ կարելի է մասամբ վեթինգի տարրեր տեսնել ՍԴ-ում երեք դատավորների փոփոխության մեջ, բայց հաշվի առնելով այն հանգամանքը, թե ինչ սկզբունքով և ինչպես ընտրվեցին այդ երեք թեկնածուները, դա էլ կարելի է համարել վեթինգի խխիստ անհաջող փորձ, որովհետև եթե մենք դատական համակարգի համալիր վեթինգ չենք իրականացրել, բայց թույլ ենք տալիս, որ դատական կորպուսն առաջադրի դատավորի թեկնածու ՍԴ-ում ընտրվելու համար, ակնհայտ է, որ այստեղ կրկին ունենում ենք մասնագիտական բարեվարքության առումով խնդրահարույց անձ ՍԴ-ում»,-ասաց նա:
Խալաթյանը համաձայն չէ նաև նախարարի պնդմանը, որ համակարգային վեթինգի համար պետք են սահմանադրական փոփոխություններ. «Դրա համար սահմանադրական փոփոխություններ անհրաժեշտ չեն, որովհետև խոսքը կարգապահական վարույթների մասին էպարզապես դրանց հիմքերը պետք է ընդլայնել: Այդ կարգապահական վարույթները պետք է կրեն համատարած բնույթ»: