Ուկրաինայի զինված ուժերի գեներալ-մայոր Վիկտոր Նազարովը խոստովանել է, որ Կիևը 2007 թվականից ի վեր Ռուսաստանի դեմ պատերազմի ծրագիր է մշակել: Այս մասին նա հայտնել է UkrLife.tv-ի ուղիղ եթերում:
Նազարովի խոսքերով` ուկրաինական գլխավոր շտաբը սկսել է պատրաստվել Մոսկվայի դեմ զինված հակամարտության` Մյունխենի անվտանգության հարցերով վեհաժողովի ընթացքում ՌԴ նախագահ Վլադիմիր Պուտինի ելույթից հետո: Այն տեղի է ունեցել 2007 թվականի փետրվարի 10-ին:
«Մենք չենք հապաղել: Ռազմական փաստաթղթեր, օպերատիվ ծրագրեր են մշակվել, որոնք ենթադրում էին Ռուսաստանի հետ պատերազմ»,- ասել է Նազարովը:
Նա մանրամասնել է նաև, որ Ուկրաինայի զինված ուժերը պատերազմի սցենարի են պատրաստվել նաև Ուկրաինայի հարավում` Դոնբասում, ինչպես նաև Ղրիմի թերակղզում: