Իսրայելի հետ հարաբերությունները կարգավորած երկրները պետք է ամաչեն արաբա-իսրայելական նոր զինված հակամարտության պատճառով: Այսպիսի հայտարարություն արել է Ալժիրում պաղեստինյան ՀԱՄԱՍ շարժման ներկայացուցիչ Մուհամմեդ Օսման Աբու-ալ-Բարան, երեքշաբթի փոխանցել է Algeria Press Service (АPS) ինֆորմացիոն գործակալությունը:
«Երկրները, որոնք կարգավորել են հարաբերությունները Իսրայելի հետ, պետք է ամոթ զգան, որ սիոնիստ օկուպանտները պաղեստինյան քաղաքացիական բնակչության հանդեպ հանցագործություններ են իրականացնում»,- ընդգծել է նա:
Մեկնաբանելով պաղեստինա-իսրայելական հակամարտության գոտում իրավիճակի կտրուկ սրման վերաբերյալ իրադրությունը՝ Ալ-Բարսան շեշտել է.
«Խոսքը դավաճանության մասին է՝ ավարտված, այսպես կոչված, Աբրահամյան համաձայնագրերի ստորագրմամբ: Եվ սա իշխանությունում մնալու գինն է»,- ասել է նա: