Այսօր՝ ժամը 19-ին Վազգեն Սարգսյանի անվան «Հանրապետական» մարզադաշտում տեղի կունենա Հայաստանի գավաթի խաղարկության եզրափակիչը՝ Երևանի «Արարատի» և «Ալաշկերտի» միջև։ 13 տարվա ընդմիջումից հետո մեր ամենատիտղոսակիր թիմը՝ «Արարատը» կխաղա գավաթի խաղարկության եզրափակչում։ «Արարատի» համար այսօրվա հանդիպումն առանձնակի նշնանակություն ունի։ Այս մրցաշրջանին մրցաշրջանին ընդառաջ Երևանի «Արարատ» ակումբում կատարվեցին, ըստ էության, արմատական փոփոխություններ, որի արդյունքում թիմը վերածվեց։ Հայկական ամենատիտղոսակիր ակումբում վերջին շրջանում տեղի էին ունենում միանգամայն անհասկանալի և անբացատրելի երևույթներ։ Որպեսզի ավելի պատկերավոր լինի «Արարատում» տեղի ունեցած տեղաշարժերը հայացեք նետենք դեպի անցյալ։ Եվ այսպես Նախորդ մրցաշրջանի սկզբից «Արարատը» վերելքի փուլում էր և ցուցադրում էր գրագետ և որակյալ ֆուտբոլ: «Արարատի» երկրպագուների ուրախությունը, սակայն, երկար չէր տևել:
Վերելքի փուլում թիմից հեռացավ գլխավոր մարզիչ Սերգեյ Բոյկոն: Ըստ էության, հենց Բոյկոյի շնորհիվ էր ձևավորվել մարտունակ կոլեկտիվ, որի խաղն իսկապես տպավորում էր: Բոյկոյի հեռանալուց հետո գլխավոր մարզչի պարտականությունները կատարում էր Գագիկ Սիմոնյանը։ Այնուհետև եկավ Իգոր Կոլիվանովը, որի հետ բոլոր երկրպագուները մեծ հույսեր էին կապում։ Վեց ամիս աշխատելուց հետո հեռացավ նաև Կոլիվանովը։ Հիշեցնենք, որ նախորդ առաջնության ավարտից հետո «Արարատի» գլխավոր մարզիչ էր նշանակվել Սերգեյ Բուլատովը: 2019/2020 թթ. առաջնությունը դեռ չէր մեկնարկել, երբ Բուլատովը հեռացավ թիմից: Գնանք ավելի հետ՝ 2018/2019 թթ․, մրցաշրջանը «Արարատը» սկսեց Արմեն Ստեփանյանի գլխավորությամբ, որին փոխարինեց Աբրահամ Խաշմանյանը: Վերջինիս հեռանալուց հետո «Արարատի» գլխավոր մարզչի պարտականությունները կատարում էր Տիգրան Եսայանը: Այս մասնագետն էլ, սակայն, երկար չաշխատեց երևանյան թիմում, և հունիսի վերջին գլխավոր մարզիչ նշանակվեց Բուլատովը: Մարզչական փոփոխություններին զուգահեռ, սկանդալներն ու տհաճ միջադեպերը անպակաս էին «Արարատում»: Թիմի կազմը շարունակ փոխվում էր, սակայն խաղում որևէ դրական տեղաշարժ չէր նկատվում: «Արարատը» ձախողել էր մրցաշրջանը՝ առաջնությունն ավարտելով վերջին հորիզոնականում: Վերջին երկու մրցաշրջաններում արդեն իսկ դժվար է հաշվել, թե քանի գլխավոր մարզիչ է փոխել «Արարատը»: Հիշեցնենք, որ «Արարատում» էր նաև տարիներ առաջ սկանդալի մեջ ներքաշված Վալերի Հովհաննիսյանը, որը զբաղեցնում էր գլխավոր մենեջերի պաշտոնը։ Բարձրագույն խմբի առաջնության վերջնամասում Հովհաննիսյանը հեռացավ «Արարատից», իսկ թիմը լավագույն վեցյակի պայքարում զբաղեցրեց վերջին հորիզոնականը։ Ընթացիկ առաջնությունում «Արարատ» տեղի ունեցող արմատական ֆեղաշարժերը կարելի է որակել այսպես՝ փոփոխություններ, որոնք միտված են վերականգնելու սիրված թիմի բարի համբավը։
2020 թվականի հուլիսին «Արարատի» գործադիր տնօրեն նշանակվեց Արթուր Նազարյանը, իսկ թիմի գլխավոր մարզչի պաշտոնը ստանձնեց մեր երկրի լավագույն մասնագետներից մեկը՝ Վարդան Բիչախչյանը։ Վերջինիս կարելի է համարել «Արարատի» հաջողությունների հիմնական «մեղավորներից» մեկը։ Հայաստանի Պրեմիեր լիգայում ևս «Արարատը» աչքի է ընկնում հաջող և կայուն ելույթներով պայքարելով չեմպիոնի կոչման համար։ Այս պահին առաջատար «Նոան» 21 խաղից հետո ունի 38 միավոր։ Երկրորդ տեղում գտնվող «Ալաշերտը» 20 խաղում վաստակել է 37, իսկ «Արարատը»՝ 36 միավոր։ 4-րդ տեղում գտնվող «Արարատ-Արմենիան» էլ 20 խաղում վաստակել է 34 միավոր։ Վերջին խաղում «Արարատը» Հայաստանի առաջնության շրջանակներում ոչ-ոքի 0։0 էր խաղացել նույն «Ալաշկերտի» հետ։ Այս թիմերը միմյանց հետ մրցելու են նաև մայիսի 25-ին կրկին առաջնության շրջանակներում։ Այս հանդիպումը կարող է վճռորոշ լինել չեմպիոնության և մրցանակային տեղերի համար պայքարում։
Բուքմեյքերները այսօրվա խաղում կողմերի հնարավորությունները ըստ էության հավասար են գնահատել։ Մասնավորապես, «Արարատի» հաղթանակի համար սահմանված է 2․77 գործակից։ Ոչ-ոքին գնահատված է 3․35, իսկ «Ալաշկերտի» հաղթանակը՝ 2․56 գործակցով։
