Էլեկտրական տրանսպորտային միջոցների ամերիկյան արտադրող Tesla-ն կասեցրել է բիտքոին կրիպտոարժույթի ընդունումը որպես վճարման միջոց՝ դրա ստացման ոչ էկոլոգիապես մաքուր մեթոդի պատճառով։ Այս մասին հայտնել է ընկերության ղեկավար Իլոն Մասկը:
«Tesla-ն դադարեցրել է բիտքոինի օգտագործմամբ մեքենաների ձեռքբերումը: Մենք մտահոգված ենք հանածո վառելիքի և բիտքոինային գործառնությունների համար հանածո վառելիքի, հատկապես ածխի կիրառման համար, որն ամենավատ արտանետումներն է ունենում շրջակա միջավայրի համար», – գրել է նա Twitter- ում:
Ըստ Մասկի, «շատ մակարդակներում կրիպտոարժույթը լավ գաղափար է»՝ «խոստումնալից ապագա» ունենալու հեռանկարով, բայց ընկերությունը չի կարող իրեն թույլ տալ վնասել շրջակա միջավայրը:
Tesla-ն չի վաճառի իր բիտքոինները և չի օգտագործի դրանք գործառնությունների համար, քանի դեռ կրիպտոարժույթի արդյունահանումը չի իրականացվի «կայուն էներգիայի աղբյուրների» օգտագործմամբ:
