Թուրքիայի ներքին գործերի նախարարությունը Ստամբուլի քաղաքապետ Էքրեմ Իմամօղլուի դեմ հետաքննություն է սկսել: Իմամօղլուն մեղադրվում է նախորդ տարի Ֆաթիհ Սուլթան Մեհմեդի (Օսմանյան սուլթան) դամբարան կատարած այցի ընթացքում ձեռքերը գոտկատեղի հետևում դրած քայլելու համար: Այդ կապակցությամբ պատկան մարմինները ինքնախոստովանական ցուցմունք են վերցրել Իմամօղլուից: Նշվում է, որ Իմամօղլուի այդ արարքը ընկալվել է որպես անհարգալից վերաբերմունքի դրսևորում։ Այս մասին հաղորդում է Ermenihaber-ը։
Այս մասին հայտնել է Ստամբուլի քաղաքապետարանի մամուլի քարտուղար Մուրաթ Օնգունը: Վերջինիս հայտնել է, որ Իմամօղլուն մեղադրվում է նաև ընդդիմադիր, քրդամետ «Ժողովուրդների դեմոկրատական» կուսակցության (ԺԴԿ-HDP) համայնքապետերին այցելելու համար:
Այնուհետև Թուրքիայի ներքին գործերի նախարարության մամուլի խոսնակ Իսմայիլ Չաթաքլըն հայտնել է, որ ընդդիմադիր քաղաքապետի դեմ ոչ թե հետաքննություն, այլ նախաքննություն է սկսվել: