ԱՄՆ-ի սահմանապահ ծառայությունն ապրիլին օրական գրեթե 6 հազար անօրինական միգրանտ Է ձերբակալել Մեքսիկայի հետ սահմանին: Այդ մասին, հաղորդել Է CNN հեռուստաալիքը՝ վկայակոչելով կառավարության նախնական տվյալները:
Ինչպես նշում Է հեռուստաալիքը, մարտին ամերիկացի սահմանապահներն օրական շուրջ 5,5 հազար անօրինական միգրանտներ են ձերբակալել Մեքսիկայի հետ ԱՄՆ-ի սահմանին: Միեւնույն ժամանակ, ինչպես հեռուստաալիքին հայտնել Է ներքին անվտանգության նախարարության ներկայացուցիչը, օրական մոտավորապես 1,5 հազար մարդ խուսափում Է հանդիպել իրավապահների հետ, թեեւ նրանց սահմանապահ ծառայությունը ֆիքսում Է տեխնիկական միջոցների օգնությամբ:
ԱՄՆ-ի նախագահ Ջո Բայդենը Միացյալ Նահանգների նախագահի պաշտոնում աշխատանքն սկսել Է միգրացիայի ոլորտում այն նախաձեռնությունների եւ սահմանափակումների կրճատմանը ձեռնամուխ լինելուց, որոնք մտցվել Էին նրա նախորդի՝ Դոնալդ Թրամփի կողմից: Սպասելով զիջողության, հազարավոր միգրանտներ ուղեւորվել են ԱՄՆ, իշխանությունները իրադրությունը հարավային սահմանին համարել են ճգնաժամային, հաղորդել Է ՌԻԱ Նովոստին:
