Ադրբեջանական Vesti.az-ի փոխանցմամբ՝ Թուրքիայի տրանսպորտի ու հաղորդակցության նախարար Բինալի Յըլդըրըմը Ամասիա կատարած այցի ժամանակ անսպասելիորեն մտել է տեղի վարսավիրանոցներից մեկն ու սափրել մի հաճախորդի։
Նշվում է, որ նախ թուրք նախարարը մասնակցել է ինչ-որ կառույցի հիմնմանը, ապա շրջել է քաղաքով և զրուցել քաղաքացիների հետ։ Դրանից հետո նա մտել է վարսավիրանոց, վերցրել է վարսավիրի գործիքները և սկսել կտրել հաճախորդներից մեկի մազերը, իսկ վերջում սափրել է նրան։
Ավելի ուշ վարսավիրանոցի հաջողակ հաճախորդը լրագրողներին հայտնել է, թե երջանիկ է, որ իրեն սափրել է անձամբ նախարարը։
Հիշեցնենք, որ Բինալի Յըլդըրըմը Թուրքիայի տրանսպորտի և հաղորդակցության նախարար աշխատել և աշխատում է թուրքական 58-րդ, 59-րդ, 60-րդ և ներկայիս՝ 61-րդ կառավարություններում։