Վրաստանում COVID-19-ի զոհերի թիվը հասել է 3240-ի: Կառավարությունը տեղեկացրել է, որ ևս 19 հիվանդ մահացել է կորոնավիրուսային վարակի պատճառով առաջացած բարդություններից:
Մեկ օրում հանրապետությունում հայտնաբերվել է կորոնավիրուսով վարակման 583 նոր դեպք (նախորդ օրը՝ 688): Կատարվել է 6.688 PCR թեստ և 9.917 հակագենի արագ թեստ (ընդամենը՝ 16.605):
Ապաքինվել է ևս 671 հիվանդ: Երկրում COVID-19-ի հաստատված դեպքերի ընդհանուր թիվը 260.480 է, ապաքինվել է 251.748 հիվանդ:
Կարանտինի տակ շարունակում է մնալ 430 մարդ, քովիդ-հյուրանոցներում՝ 277 և հիվանդանոցներում՝ 2341 մարդ:
Կառավարական Stopcov.ge պորտալի համաձայն, Վրաստանում կորոնավիրուսի հայտնաբերման ներկայիս մակարդակը 3.51% է, վերջին 14 օրվա ընթացքում՝ 4.41%, վերջին շաբաթվա ընթացքում՝ 3.79%:
