Հետազոտությունները ցույց են տալիս, որ այն աշխատակիցները, որոնք գործ ունեն անընդհատ հեգնող գործընկերների և ղեկավարի հետ, ավելի ստեղծագործ են,-հայտնում է The Daily Mail-ը: Թերթը գրում է, որ «գիտնականների կարծիքով՝ անընդհատ հեգնանք լսող աշխատակիցները ստիպված են լինում իրերին և իրողություններին նայել տարբեր տեսանկյուններից»:
Բար Իլան իսրայելական համալսարանի ուսումնասիրության շրջանակներում ներգրավվել է մոտ 400 ուսանող ինժեներ, որոնք որոշ ժամանակ աշխատել են ծառայություն մատուցող ընկերությունում և ընդունել են հաճախորդների հեռախոսազանգերը: Հետազոտության մեջ նշվում է, որ ամենալավ արդյունքը եղել է այն դեպքում, երբ ուսանողը լսել է հաճախորդի հեգնական մեկնաբանությունները (օրինակ՝ դուք աշխատում եք կրիայի արագությամբ): Նշվում է, որ երբ ուսանողը լսել է վրդովված հաճախորդներին՝ նա հաճախորդի պահանջն անմիջապես է կատարել, քանի որ այս դեպքում անհրաժեշտություն է առաջացել զերծ մնալ հետագա տառապանքներից և վիրավորանքներից:
Հեգնական տոնն աշխատակիցների մեջ առաջացրել է կոմպլեքս մտածողության անհրաժեշտություն, ինչն ավելի արդյունավետ է եղել հաճախորդների պահանջները բավարարելու հարցում:
