Համավարակը կարող Է ազդել համաշխարհային տնտեսության մեջ ուժերի հավասարակշռության վրա, Գերմանիան պետք Է աշխատի՝ ապագայում պահպանելու համար իր դիրքերը: Դեկտեմբերի 9-ին այդ մասին հայտարարել Է ԳԴՀ-ի կանցլեր Անգելա Մերկելը՝ ելույթ ունենալով Բուդեսթագում:
«Ես արդեն մի քանի անգամ ասել եմ, այս համավարակն Էական ազդեցություն Է գործում աշխարհում ուժերի հարաբերակցության վրա՝ առաջին հերթին տնտեսական եւ, հավանաբար, հասարակական-քաղաքական առումով»,- ասել Է նա՝ ելույթ ունենալով 2021 թվականի բյուջեի շուրջը քննարկումներում: Նրա խոսքով՝ ԳԴՀ-ում հասարակայնությունը հայտնվել Է «արտակարգ իրավիճակում», եւ հենց այդ իրավիճակն Է պահանջում համարձակ ֆիսկալ որոշումներ Գերմանիայի կառավարությունից: Մերկելը հավելել Է, որ Գերմանիան «պետք Է գործադրի ամեն ինչ, որպեսզի 2022 թվականին դուրս գա տնտեսության մինչճգնաժամային մակարդակ, ինչպես եւ ասվել Է կանխատեսման մեջ»:
«Ես կարծում եմ, որ բյուջեն (որը ներկայացված Է քննարկման – ծանոթ. խմբ.) պայման Է դրա համար»,- ասել Է նա: 2021 թվականի բյուջեի նախագծը նախատեսում Է Գերմանիայի պետական պարտքի աճ 179,8 միլիարդ եվրոյով:
Ընթացիկ տարվա արդյունքներով՝ պարտքի ծավալը կկազմի 218 միլիարդ եվրո՝ ամենախոշորը ԳԴՀ-ի ամբողջ պատմության ընթացքում: Մինչ այդ, 2015 թվականից, հանրապետությունն ընդունել Է անպակասուրդային բյուջե եւ ոչ մի կարգի փոխառություններ չի վերցրել, հաղորդել Է ՏԱՍՍ-ը:
