Վերջին օրերին պարբերաբար հրապարակվում են տեղեկություններ այն մասին, որ Թուրքիան զորք և սպառազինություն է կուտակում Հայաստանի հետ սահմանին: Զուգահեռ Անկարան Ադրբեջան զորք ուղարկելու որոշում է կայացրել: Որո՞նք են Թուրքիայի այս գործողության հնարավոր նպատակներն ու հետևանքները, ի՞նչ մեսիջ է սրանով Անկարան հղում ինչպես Հայաստանին, այնպես էլ տարածաշրջանի մյուս երկրներին` Իրանին և Ռուսաստանին: Այս և մի շարք այլ հարցեր «Առաջին Լրատվական»-ը քննարկել է թուրքագետ, ակադեմիկոս Ռուբեն Սաֆրաստյանի հետ:
«Թուրքիան, փաստորեն, շարունակում է իր ծավալապաշտական քաղաքականությունը Հարավային Կովկասում և փորձում է, ճնշում գործադրելով և՛ Հայաստանի, և՛ միաժամանակ Ռուսաստանի ու Իրանի վրա, նախապատրաստել որոշակի հող՝ իր զորքերը հետագայում որպես խաղաղապահ ուժեր Ադրբեջան տեղափոխելու համար»,-ասաց Սաֆրաստյանը:
Մեր զրուցակիցը, անդրադառնալով 1 տարով Ադրբեջան զորք ուղարկելու Անկարայի որոշմանն ասաց, որ այդ զորքերը նախատեսված են ռուս-թուրքական համատեղ մոնիթորինգի կենտրոնի համար: «Թուրքերը, չնայած մաս են կազմելու այդ մոնիթորինգային կենտրոնի, բայց իրավունք չեն ստանալու այդ պատրվակով ոտք դնել Արցախի տարածքի վրա»: Սաֆրաստյանի խոսքով՝ Թուրքիան կշարունակի ճնշումներ գործադրել տարածաշրջանի երկրների վրա, կդմի սադրիչ գործողությունների, որպեսզի իր զորքերը տեղակայի այսպես կոչված որպես խաղաղապահ ուժեր Արցախի ողջ երկայնքով:
Առավել մանրամասն՝ տեսանյութում: