Այսօր՝ նոյեմբերի 19-ին, Ազգային ժողովում քննարկվում է Զինվորական ծառայության և զինծառայողի կարգավիճակի մասին օրենքում փոփոխություն կատարելու մասին հարցը:
Ինչպես հայտարարեց անկախ պատգամավոր Արման Բաբաջանյանը` ունենք կաթվածահար եղած կառավարման համակարգ և չենք կարող այսպիսի ռեժիմով ակնկալել արդյունավետ լուծումներ. «Կարծում եմ, որ պաշտպանական գերատեսչությունը, որն ամենամեծ մեղսակցությունն ունի տեղի ունեցածի մեջ, չի կարող այս կազմով ձեռնամուխ լինել այդ աշխատանքին»:
Նրա խոսքով` ՊՆ-ն, ԱԳՆ-ն և Անվտանգության խորհուրդը պետք է հետևություններ անեն տեղի ունեցածից. «Պատասխանատու մարմինները պիտի ժամ առաջ խիզախություն ունենան և լքեն իրենց պաշտոնները և թույլ տան, որ առողջ, նվիրյալ մարդիկ լծվեն աշխատանքի: Չեն կարող մաֆիոզ կապերով կաշկանդված մարդիկ զբաղվել այս կարևորագույն աշխատանքով»:
Բաբաջանյանը, անդրադառնալով Մարտակերտի 6 գյուղերի հայաթափմանը, նշեց, որ բազմաթիվ հարցեր են կուտակվել, սակայն պատասխան տվող չկա. «Որովհետև պետություն չկա: Իշխող ֆրակցիան պետք է թափ տա իրեն, և միայն 24-ժամյա աշխատանքով կարող եք դա անել»:
Մանրամասն՝ տեսանյութում: