Երեք ամիս առաջ Թեհրանում սպանվել է «Ալ-Քաիդա» ահաբեկչական կազմակերպության առաջնորդներից մեկը՝ Աբդուլլահ Ահմեդ Աբդուլահը, գրում է The New York Times թերթը՝ վկայակոչելով հետախուզության ներկայացուցիչներին:
Պարբերականը հայտնում է, որ նրան ԱՄՆ-ի նախաձեռնությամբ ոչնչացրել են իսրայելական հատուկ ծառայությունների գործակալները:
Ինչպես հայտնի է դարձել, Աբդուլահի վրա կրակել են երկու մարդ՝ մոտոցիկլետի վրայից: Նա սպանվել է օգոստոսի 7-ին՝ դստեր ՝ Միրիամի հետ միասին, ով Ուսամա բեն Լադենի որդու այրին էր: Աղբյուրները հայտնում են, որ Աբդուլահ Ահմեդ Աբդուլահը մասնակցություն է ունեցել 1998 թվականին Տանզանիայում և Քենիայում ԱՄՆ դեսպանատների դեմ իրականացված ահաբեկչություններին:
