Թուրքիայի խորհրդարանի խոսնակ Մուստաֆա Շենթոպը ՌԻԱ Նովոստիին հայտարարել է, որ երկրի գերագույն օրենսդիր մարմինը կարող է քննարկել թուրքական զինվորակականներին Ադրբեջան ուղարկելու հարցը՝ Լեռնային Ղարաբաղի հակամարտության ֆոնին, սակայն դեռևս դրա անհրաժեշտությունը չկա:
«Վերջին մի քանի օրվա ընթացքում Ադրբեջանի զինված ուժերը ցույց տվեցին ողջ աշխարհին, որ իրենք ի վիճակի են ինքնուրույն հաղթանակի հասնել, վճռականություն և համառություն ցուցաբերել գրավյալ տարածքների ազատագրման հարցում: Հետևաբար, չեմ կարծում, որ նման առաջարկը (հակամարտության գոտում թուրք զինվորականների օգտագործման վերաբերյալ) անհրաժեշտ կլինի այնքան ժամանկ, քանի դեռ երրորդ կողմերը չեն ներգրավվել այս հակամարտության մեջ՝ անտեսելով ՄԱԿ-ի բանաձեւերը», – ասել է Շենթոփը:
Նրա խոսքով, անհրաժեշտ է հարգել միջազգային իրավունքը և ՄԱԿ-ի Գլխավոր ասամբլեայի բանաձևերը, որոնք պահանջում են «Հայաստանի զինված ուժերի անհապաղ, ամբողջական և անվերապահ դուրսբերում Ադրբեջանի բոլոր գրավյալ տարածքներից»:
