Ուրբաթ օրը` հուլիսի 29-ին, նավթի գները շարունակել են անկում ապրել, ինչը պայմանավորված է ԱՄՆ-ից ստացված վիճակագրական տվյալներով, որոնցով արձանագրվել է ՀՆԱ-ի աճի զգալի անկում: Լոնդոնի ICE Futures Europe էլեկտրոնային բորսայում Brent Crude Oil մակնիշի նավթի սեպտեմբերի ֆյուչերսային գները նվազել են 0.62 դոլարով` կազմելով 116.74$/բարել: Նյու Յորքի NYMEX բորսայում Light Sweet Crude Oil մակնիշի նավթի գինն ավելի մեծ անկում է արձանագրել` մոտ 2% կամ 1.74 դոլար` կազմելով 95.7$/բարել:
Երեկ հրապարակված տվյալներով, ԱՄՆ-ի ՀՆԱ-ն երկրորդ եռամսյակում զգալիորեն քիչ է աճել կանխատեսված տվյալներից` 1.8%-ի փոխարեն արձանագրվել է 1.3%-ի աճ: Սպառողական տրամադրությունների ինդեքսն էլ նվազել է մինչև 63.7%-ի` հունիս ամսվա 71.5%-ի փոխարեն:
