Հուլիսի 30-ի վաղ առավոտյան ՆԱՏՕ-ի ինքնաթիռները ռմբակոծել են Լիբիայի կառավարությանը պատկանող հեռուստահաղորդակները: Այս մասին հաղորդում է France Presse գործակալությունը` հղում կատարելով ՆԱՏՕ-ում իր աղբյուրներին:
Ըստ հաղորդված տվյալների` ռմբակոծության արդյունքում ոչնչացվել է 3 արբանյակային հաղորդակ մայրաքաղաք Տրիպոլիում, որոնք օգտագործվում էին կառավարության կողմից` Մուամար Քադաֆիի ելույթները հեռարձակելու համար: Աղբյուրն ասել է, որ ՆԱՏՕ-ի հիմնական նպատակներից մեկը Քադաֆիին հեռուստատեսության միջոցով սեփական ժողովրդին վախեցնելու պրակտիկայից զրկելն է:
Ընդհանուր առմամբ Տրիպոլիում 10 պայթյուն է տեղի ունեցել: Հրթիռներից մի քանիսն ընկել են Քադաֆիի նստավայրի մերձակայքում:
