Հարավային Օսիայի վարչապետ Էրիկ Պուխաևը, ընդառաջելով ցուցարարների խնդրանքին, հրաժարականի դիմում է ներկայացրել: Այս մասին հաղորդվում է մարզային կառավարության կայքում:
«Այսօր ես հրապարակում էի: Ես լսեցի մարդկանց, ոմանք վանկարկում էին կառավարության հրաժարականի պահանջներ: Ես այս որոշումը կայացրի, այն մտածված է, և կարծում եմ, որ ճիշտ կլինի»,- Պուխաևի խոսքը մեջբերում է կառավարության մամուլի ծառայությունը:
Օգոստոսի 28-ի երեկոյան Հարավային Օսիայի կառավարության շենքի դիմաց ցույց էր անցկացվել ՆԳ նախարարի վրա հարձակման մեջ կասկածվող Ինալ Ջաբիևի մահվան կապակցությամբ:
Ըստ «Կովկասյան հանգույց»-ի՝ ցուցարարները պահանջում էին կառավարության հրաժարականը: Ընդհանուր առմամբ, հրապարակում հավաքվել էր շուրջ 500 մարդ:
Հարավային Օսիայի նախագահ Անատոլի Բիբիլովը դուրս է եկել ցուցարարների մոտ և խոստացել հետաքննել Ջաբիևի մահվան հանգամանքները: Բացի այդ, հետաքննության ընթացքում նախագահը աշխատանքից ազատել է ՆԳՆ ղեկավար Իգոր Նանիևին: Քրեական գործ է հարուցվել պաշտոնեական լիազորությունները չարաշահելու դեպքի առթիվ:
