Այն կորոնավիրուսով վարակված հիվանդների շրջանում երեք անգամ ավելի մեծ է մահացու ելքի վտանգը, եթե նրանց մոտ առկա է մետաբոլիկ համախտանիշը: Այդ մասին հաղորդել է Eurekalert կայքը՝ վկայակոչելով գիտնականների հետազոտությունը:
Ինչպես նշվում է հոդվածում, այդ համախտանիշը առնվազն երեքի միագումարն է այն հինգ շեղումների, որոնք են՝ հիպերտոնիան, արյան մեջ շաքարի բարձր մակարդակը, ճարպակալումը, ինչպես նաև բարձր խտության լիպոպրոտեինների (ԲԽԼՊ) ցածր մակարդակը և թրիգլիցերիդների բարձր մակարդակը:
Գիտնականները հետևել են 287 հիվանդների, որոնք հոսպիտալացվել են մարտի 30-ից մինչև ապրիլի 5-ն ընկած ժամանակաշրջանում Նոր Օռլեանում հիվանդացության բարձրակետի ժամանակ:
Հիվանդների միջին տարիքը կազմել է 61: Հիվանդացածների շրջանում ամենաշատը տարածված է եղել հիպերտոնիան (80 տոկոս), ճարպակալումը (65 տոկոս), ինչպես նաև շաքարախտը (54 տոկոս):
Բացի այդ, 39 տոկոսի մոտ եղել է բարձր խտության լիպոպրոտեինների ցածր մակարդակ: Պացիենտների շուրջ 66 տոկոսն ունեցել է մետաբոլիկ համախտանիշ:
Նշվում է, որ մետաբոլիկ համախտանիշով պացիենտների մոտ կորոնավիրուսից մահացության հավանականությունը 3,4 անգամ ավելի բարձր է, քան այն մարդկանց մոտ, որոնք դա չունեն:
