Թուրքիայի նախագահ Ռեջեփ Թայիփ Էրդողանը հայտարարել է, որ Անկարան պատրաստ է բոլոր հնարավոր միջոցներով, ներառյալ ռազմական, պաշտպանել իր շահերը Միջերկրական, Էգեյան և Սև ծովերում: Մուշի նահանգում նրա ելույթը հեռարձակվել է Թուրքիայի առաջնորդի Twitter-ի էջում:
Նրա խոսքով՝ Թուրքիան կստանա այն, ինչ պատկանում է իրեն այդ շրջաններում:
«Մենք մեր գործընկերներին հրավիրում ենք հեռու մնալ սխալ քայլերից, որոնք կկործանեն իրենց: Թուրքիան այն երկիրը չէ, որի համբերությունը, հնարավորությունները և վճռականությունը կարելի է անվերջ փորձել», – ասել է Էրդողանը:
Նա նշել է, որ նրանք, ովքեր դեմ են թուրքական պետությանը, մեծ գին կվճարեն:
