«Առհասարակ վերջին շրջանում Սերժ Սարգսյանը հիմնականում խոսում է ապրիլյան պատերազմի մասին։ Նրա այս ակտիվացումը մեզ թույլ է տալիս եզրակացնելու, որ այդ ակտիվացումը կապված է ապրիլյան պատերազմի հանգամանքները քննող հանձնաժողովի վերջնական զեկույցի հետ»,-«Առաջին լրատվական»-ի «Մամուլ Սուրճի հետ» հաղորդման շրջանակներում ասաց ԱԺ «Իմ քայլը» խմբակցության պատգամավոր Արմեն Փամբուխչյանը։
Նրա խոսքով Սերժ Սարգսյանը այսպիսով փորձում է այնպիսի ֆոն ստեղծել, պնդումներ անել, որը էապես կտարբերվի քննիչ հանձնաժողոի զեկույցից.«Բայց Սերժ Սարգսյանը իսկապես ունի մտահոգվելու խնդիր»,-ասաց Փամբուխչյանը՝ հավելելով, որ եթե հետևենք նախկին այլ պաշտոնյաների վարքագծին, ապա կտեսնենք, որ գրեթե բոլոր, որոնք ակտիվանում են, սկսում են քաղաքական գրառումներ անել, քննադատել իշխանությանը, մեկ էլ հայտնի է դառնում նրանց վերաբերյալ քրեական գործի մասին, որը, բնականաբար ավելի վաղ էր հարուցվել, քան նրանց գրառումները։ Բայց այդպիսով նախկինները փորձում են ցույց տալ, որ իրենց նկատմամբ քաղաքական հետապնդում է իրականացվում։ «Սերժ Սարգսյանի վարքագիծը նույն ծրջանակից է»,-ասաց պատգամավորը։
Արմեն Փամբուխչյանի հետ զրուցել ենք նաև ՍԴ թեկնածու Երվանդ Խունդկարյանի հետ հանդիպումից, թեժ աշնան կանխատեսումներից, Վանեցյանի Արցախ կատարած այցից։
Զրույցն ամբողջությամբ՝ տեսանյութում
