ՀՀ Նախագահի մոտեցումը անհասկանալի է․ «Իմ քայլի» պատգամավորը՝ ՍԴ դատավորի թեկնածուի առաջադրման մասին

Այսօր «Իմ քայլը» խմբակցությունը նիստ էր հրավիրել։ Նիստից հետո լրագրողների հետ զրույցում պատգամավոր Նիկոլայ Բաղդասարյանը, անդրադառնալով ՍԴ անդամի կառավարության թեկնածու Վահրամ Ավետիսյանի շուրջ ստեղծված քննարկումներին, ասաց, որ իր համար անընդունելի են այն քննարկումներն ու պնդումները, որ եթե նրա հայրը նախկինում ինչ-որ պաշտոն է զբաղեցրել, որդին հիմա չի կարող պաշտոն զբաղեցնել։ «Իսկ այն պնդումները, թե հնարավոր է շահերի բախումներ լինեն ինչ-որ գործերի շրջանակներում, սա քննարկելի հարց է պատգամաորի համար, որպեսզի մենք հասկանանք՝ ընտրում ենք ՍԴ դատավոր, հասկանալով, որ նա մի շարք գործերում չի կարող մասնակցել և դա խոչընդոտ կհանդիսանա տվյալ գործերի համար»,-նշեց նա։