207 պոլիկլինիկաներում մոսկովացիները կկարողանան կորոնավիրուսի PCR անվճար թեստ հանձնել: Այդ մասին հայտնում է ՌԻԱ Նովոստին՝ հղում անելով Մոսկվայի փոխքաղաքապետ Անաստասիա Ռակովային:
Թեստերը մայրաքաղաքի բնակիչների համար անվճար կլինեն հուլիսի 16-ից:
Ռակովան նշել է, որ քաղաքը կարող է կատարել մինչեւ 50 հազար թեստավորում օրվա ընթցքում, համավարակի ընթացքում կատարվել է մոտ 4,3 մլն հետազոտություն:
«Մոսկվայի քաղաքապետ Սերգեյ Սոբյանինի հետ որոշել ենք, որ վաղվանից յուրաքանչյուրը, ով ցանկանում է PCR հետազոտություն անցնել կորոնավիրուսային վարակի դեմ, կարող է դա անել ազատ և անվճար»,-ասել է փոխքաղաքապետը:
Նա նաեւ ավելացրել է, որ դրա համար կան բոլոր անհրաժեշտ հնարավորությունները:
«Դրա համար մենք 207 պոլիկլինիկայում բացում ենք հետազոտություններ հանձնելու կետեր»,-նշել է Ռակովան: