Tuesday, 19 03 2024
Զախարովան մեկնաբանել է պատերազմի մասին Փաշինյանի խոսքերը
12:13
МИР քարտերի սպասարկման դադարեցում․ IDBank
12:09
Հայէկոնոմբանկի Visa Business քարտերն այժմ ավելի շահավետ պայմաններով
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն

«Պրիցելնի» կրակոց չի եղել, «շալնոյ» կրակոց էր». Վանաձորում վիճաբանությունն ավարտվել է սպանությամբ

Վերաքննիչ քրեական դատարանի վարույթում է Արմեն Ո.-ի գործը, որը քննվել է Լոռու մարզի ընդհանուր իրավասության դատարանում Մուշեղ Հարությունյանի նախագահությամբ:

Դեպքի պահին Արմեն Ո.-ն 30 տարեկան էր:

Նախաքննական մարմինը նրան մեղադրանք էր առաջադրել դիտավորյալ սպանության, սպանության փորձի և ապօրինի զենք պահելու համար՝ ՀՀ քրեական օրենսգրքի 104 հոդվածի 1-ին մասով,  34-104 հոդվածի 2-րդ մասի 1-ին կետով, 235 հոդվածի 1-ին մասով:

Այս գործը դատավոր Մ. Հարությունյանն իր վարույթ է ընդունել 2017 թվականի հունիսի 30-ին, դատական առաջին նիստ է նշանակել 2017 թվականի հուլիսի 18-ին, իսկ դատավճիռը հրապարակվել է համարյա երեք տարի անց՝ 2020 թվականի հունիսի 23-ին:

Դատական քննության ընթացքում՝ 2018 թվականի հունվարի 19-ին, դատարանը բավարարել է պաշտպանական կողմի միջնորդությունը և ամբաստանյալի նկատմամբ  նշանակել է դատահոգեբուժական, դատահոգեբանական համալիր ամբուլատոր փորձաքննություն:

Այնուհետև, 2018 թվականի նոյեմբերի 15-ի դատական նիստի ժամանակ, երբ դատական վիճաբանությունների փուլում էր քննությունը, ամբաստանյալի շահերի պաշտպան, փաստաբան Ռ. Հակոբյանը հայտնել է, թե իրեն զանգել է անծանոթ մի տղամարդ, ասել է, թե Արմեն Ո.-ի խնդրանքով դեպքի վայրից որոշ հեռավորության վրա փնտրել ու գտել է քրեական գործով անցնող «Մակարով» ատրճանակը: Պաշտպանը հորդորել է ոչինչ չձեռնարկել, անմիջապես տեղյակ է պահել ոստիկանությանը:

Մատնանշված վայրում հայտնաբերվել ու առգրավվել է «Մակարով» ատրճանակը:

Դատարանը բավարարել է պաշտպանական կողմի միջնորդությունն ու որոշել է վերսկսել գործով դատաքննությունը:

Դատական քննությունը վերսկսվել ու շարունակվել է:

2019 թվականի օգոստոսի 6-ին դատարանը բավարարել է ամբաստանյալի շահերի պաշտպան Ռ. Հակոբյանի և մեղադրող դատախազ Ռ. Մինասյանի միջնորդությունները և նշանակել է դատաձգաբանական և դատաքիմիական համալիր փորձաքննություն:

Ըստ մեղադրանքի՝ 2016 թվականի հուլիսի 3-ին, ժամը 12-ի սահմաններում Արմեն Ո.-ն Վանաձորի Թումանյան փողոցում գործող, իրեն պատկանող ծաղկի սրահում 5 հազար դրամանոցը մանրելիս պակաս գումար վերադարձնելու հարցով Ռոբերտ Մ.-ի կողմից կասկած հայտնելու և իրեն հայհոյելու պատճառով վիճաբանել է նրա հետ, ապա իր հետ վերցնելով ապօրինի կերպով ձեռք բերված ու պահվող «Մակարով» տեսակի հրազենը, Ռոբերտ Մ.-ի, նրա ընկերներ Հելբերտ Ն.-ի, Արմեն Մ.-ի հետ, վերջինիս վարած «Լեքսուս» մեքենայով գնացել է Վանաձորի Մայմեխի խճուղուն հարակից հանդամաս:

Այնտեղ Ռոբերտն ու Արմեն Ո.-ն առանձնացել են, վիճաբանությունը շարունակվել է:

Ըստ մեղադրանքի՝ Արմեն Ո.-ն սպանելու դիտավորությամբ «Մակարով» ատրճանակից կրակել է Ռոբերտի ուղղությամբ, բայց «չի կարողացել սպանել»՝ վրիպել է, գնդակները Ռոբերտին չեն դիպել: Կրակոցների ձայնը լսելով՝ վազելով մոտեցել է Արմեն Մ.-ն, հայհոյել է Արմեն Ո.-ին, վերջինս, ըստ մեղադրանքի, սպանելու դիտավորությամբ կրակել է Արմեն Մ.-ի ուղղությամբ ու սպանել է նրան:

Դատարանում Արմեն Ո.-ն առաջադրված մեղադրանքներից ընդունել է միայն ապօրինի հրազեն պահելու մեղադրանքը՝ ՀՀ քրեական օրենսգրքի 235 հոդվածի 1-ին մասով:

Արմեն Ո.-ն հայտնել է, թե զբաղվում էր ծաղկի առևտրով, դեպքի օրը սովորականի պես գտնվել է իր ծաղկի սրահում և շատ պատվերներ է ունեցել: Ծաղկեպսակ էր հավաքում, երբ սրահ է մտել մի տարեց մարդ ու խնդրել է մանրել մեկ հատ 5 հազարանոց թղթադրամ: Ինքը, զբաղված լինելով, դարակից հանել է հազար դրամանոցներ և այդ տարեց մարդուն առաջարկել է հաշվել ու վերցնել դրանցից հինգը: Այդ մարդը վերցրել ու դուրս է եկել:

Մի քանի րոպե անց բարձր ձայներ են լսվել, ինքը դռան մոտ է գնացել ու տեսել է, որ գործով տուժողը հայհոյում ու կոպիտ խոսում է քիչ առաջ սրահ մտած տարեց մարդու հետ: Ինքը խղճացել է տարեց մարդուն ու հարցրել է՝ ի՞նչ է եղել «բիձոյին»: Տուժողը կոպիտ պատասխանել է, որ իրեն չվերաբերող հարցերին չխառնվի:

Ինքը պահանջել է իր հետ հարգալից խոսել, քանի որ «հարգանքի արժանի մարդ է»: Տուժողը մոտեցել, քաշել է իր հագուստից ու ասել է, որ գնան մի այլ վայրում խոսեն:

Ինքը զգացել է, որ կարող է անախորժությունների մեջ ընկնել, սխալ է համարել իր՝ այդտեղ մնալը, որոշել է նստել իր մեքենան ու հեռանալ: Բայց նստելով մեքենա, նկատել է, որ իր մեքենայի հետևում մեկ այլ մեքենա էր կանգնած: Ռոբերտ Մ.-ն իրեն քաշքշելով, ինչ-որ մեկի օգնությամբ հանել ու իր կամքին հակառակ նստեցրել է «Լեքսուս» մեքենան, ապա շատ արագ մեքենան վարել են դեպի «Վանաձոր» թաղամաս:

Ինքն առաջարկել է մեքենան կանգնեցնել, բայց նրանք բարձր ծիծաղել ու ասել են, թե հիմիկվա երիտասարդները «մեծ» չեն ճանաչում: Ինքը հարցրել է՝ ո՞վ է «մեծը»: Տուժողը պատասխանել է, թե ինքը՝ «Կաֆոյի Ռուբոն», ու վարորդին ասել է. «Քշի, շուտով թաղում ենք կազմակերպելու»:Այդ ընթացքում իրեն զանգում էին, ինքը պատասխանում էր, զանգողներից մեկից իմացել է, որ «Կաֆոյի Ռուբոն» «Ճաճոյի Էդոյի  քիլերներից է»:

Ամբաստանյալը նշել է, որ իրեն զգացել է պատանդի կարգավիճակում, մի քանի անգամ պահանջել է, որ մեքենան կանգնեցնեն, բայց իրեն չեն լսել: Ի վերջո կանգնել են, իջել են մեքենայից: Ինքը չի հասցրել երկու քայլ անել, երբ հետևից հարվածներ է զգացել: Սկսել է պաշտպանվել, բայց ուժերը չեն բավականացրել, փորձել է փախչել, բայց ընկել է: Իրեն շատ վատ էր զգում, ականջները խշշում էին, նորմալ չէր լսում:

Զգալով, որ մոտենում են իրեն, հանել է ատրճանակը ու կրակել է ոտքերի տակ, որ Ռոբերտ Մ.-ն չմոտենա: Իրենց միջև հեռավորությունը մոտ 3 մետր էր՝ 5-6 քայլ, ինքն ավելի բարձր դիրքում էր, քան Ռոբերտը:

Ինքը տեսել է, որ կողքից հայհոյելով, վազելով մոտենում է Արմեն Մ.-ն, ատրճանակով մեկ անգամ օդ է կրակել ու փախել: Մտածել է, թե կհետապնդեն իրեն, ատրճանակը ձեռքին ամուր բռնած վազել է, թեքվել, սարով է գնացել: Սրտխառնոց է ունեցել, քնել է, հետո արթնացել ու հեռախոսի միջոցով համացանցից իմացել է, որ մարդ է մահացել:

Պատասխանելով կողմերի հարցերին՝ Արմեն Ո.-ն ասել է, թե իր ու Ռոբերտի միջև վեճը հազար դրամի պատճառով չի եղել, այլ Ռոբերտի կողմից տարեց մարդու նկատմամբ անհարգալից վերաբերմունք դրսևորելու պատճառով:

Արմեն Ո.-ն հայտնել է, թե ատրճանակը ձեռք էր բերել ապօրինի: Քանի որ աշխատանքի բերումով գումարների հետ էր գործ ունենում, զենքն անհրաժեշտ էր, որ պաշտպանվի: Նախկինում զենքից չէր օգտվել, զենքը նորմալ վիճակում էր, ինքն այն միշտ կրում էր իր վրա: Դեպքի պահին ինքը մինչև վերջին րոպեն զենքը չի օգտագործել, քանի որ հույս ուներ, թե իրենց տարաձայնությունը կհարթվի, նրանք կմտքափոխվեն:

Արմեն Ո.-ն հայտնել է, թե զենքին լավ է տիրապետում, լավ նշանառու է, եթե ցանկանար սպանել, չէր վրիպի: Կրակելու նպատակը եղել է այն, որ իրեն հանգիստ թողնեն: Իրավիճակից ելնելով՝ երբ հայհոյելով սկսել են մոտենալ իրեն, ինքը օդ է կրակել, բայց այնպես է պատահել, որ մարդ է մահացել, ինչի համար ինքը շատ ափսոսում է…

Արմեն Ո.-ն վեճի հրահրող էր համարում Ռոբերտին, իսկ Արմեն Մ.-ն, նրա կարծիքով, ընկել էր Ռոբերտի ազդեցության տակ: Ինքը չէր ցանկանա, որ նա մահանա, ինքը միշտ դեմ է եղել բռնությանը: Ամբաստանյալը հայտնել է, թե դեպքի վայրում չի զգացել, որ բերանից սպիտակ փրփուր է գնացել, բայց այդպիսի վիճակի մեջ ընկնում է ուժեղ վախից…

Արմեն Ո.-ն սպանության մեղադրանքում իրեն  մեղավոր չէր ճանաչել նաև նախաքննության ընթացքում:

Գործով տուժող Ռոբերտ Մ.-ն դատարանում հայտնել է, թե Արմեն Ո.-ին չի ճանաչել, իսկ Արմեն Մ.-ն՝ սպանվածը, իր մտերիմ ընկերն էր: Ըստ տուժողի՝ «ընդհանուր առմամբ՝ անհեթեթություն է տեղի ունեցել»:

Ըստ տուժողի՝ դեպքի օրն Արմեն Մ.-ն այցելել է իրեն: Շինարարության հետ կապված գործեր ունեին, պետք է հանդիպեին իրենց ծանոթ Գուրամին, պայմանավորվեին, որ վերջինս մեքենայով շինանյութ բերի: Գուրամի «Զիլը» կանգնած էր ծաղկի սրահի մոտ: Արմենը նույնպես մեքենան այնտեղ է կայանել: Գուրամին պետք է տային 8 հազար դրամ: Արմենի մոտ մանր չկար, նա 5 հազար դրամանոց է տվել Գուրամին, որ ծաղկի սրահում մանրի: Գուրամը գնացել, մանրել, դուրս է եկել, հաշվել ու տեսել են, որ մի հազար դրամը պակասում է: Ինքը զայրացել ու բարձր տոնով խոսել է Գուրամի հետ: Ինչ-որ մեկն ասել է. «Արա, էդ ի՞նչ տոնով ես խոսում էդ մարդու հետ»: Ինքն իջել է մեքենայից, մոտեցել է այդ մարդուն ու հարցրել է՝ ինչի՞ է նա այդպես ոգևորված խոսում: Առաջարկել է մի կողմ գնալ ու զրուցել: Նա էլ ասել է՝ որտեղ ուզեն, կարող են գնալ ու խոսել: Այդպես՝ խոսքը խոսք է բերել: Տուժողի պնդմամբ՝ այդ ընթացքում հայհոյանք չի եղել: Բարձր տոնով են խոսել: Ինքը նստել է իրենց մեքենան, այդ մարդը գնացել է դեպի իր մեքենան, բայց հետո հետ է եկել, փորձել է բացել իրենց մեքենայի դուռը: Արմենը բացել է դուռը, նա նստել է իրենց մեքենայի հետևի նստատեղին: Նա պահանջել է քշել «սարեր, չոլեր, որտեղ մարդ չկա»:

Արմենը մեքենան վարել է դեպի «Վանաձոր» թաղամաս: Ճանապարհին ինքը հետևի նստատեղին նստած տղամարդու հետ չի խոսել, անգամ չի շրջվել: Բայց նա հեռախոսով ագրեսիվ ձևով խոսում էր ինչ-որ մեկի հետ:

Հանկարծ իրենց ճանապարհը մի կարմիր մեքենա է հատել, իրենք արգելակել են: Կարմիր մեքենայի վարորդը բարևել է, բայց ինքը նրան չի կարողացել հիշել: Վերջինս իրենց մեքենայում նստած մարդու հետ առանձնացել է մի տասը մետր,  խոսել են: Ինքը մտածել է՝ նա այդ տղամարդուն կասի՝ ինքն ով է, միջադեպը կհարթվի, քանի որ լուրջ բան չկար:

Մի քանի րոպե սպասելուց հետո ինքն իջել է մեքենայից, մոտեցել է նրանց: Իրենց մեքենայով եկածը իրեն առաջարկել է առանձնանալ: Մի 50 մետր բարձրացել են: Այդ տղան բարձր դիրքում էր կանգնած, ինքը՝ ցածր: Վիճելու նպատակ ինքը չուներ, մտածում էր՝ երիտասարդ է, ագրեսիվ, կխոսեն, կհարթվի: Ինքը նրան հարցրել է. «Լսի, էս քաղաքում հարգանքով տղերքից ո՞ւմ ես ճանաչում, ասա իմանանք, էդ հարգանքով տղերքից մեկն էլ ես եմ»: Բայց այդ տղան այլ տրամադրվածություն ուներ, նա բռնել է իր շորերից, ինքը հետ է քաշվել: Մի երկու հարված է եղել օդում, իրեն չի դիպել: Տեսնելով, որ նա կռվում է, ինքը հարձակման է անցել, այդ տղան վեց-յոթ քայլ հետ է գնացել:

Այդ տղան «շեգին խփող արտաքին ուներ»: Նա մայկայի տակից հանել է ատրճանակը, պահել է իր ուղղությամբ: Ինքն ասել է՝ նման բան չանես, ինքը մնացել է իր տեղում կանգնած, երկու թխկոց է լսել: Զենքը սև էր: Ինքը «գյուլլի սվվոց» չի լսել, մի պահ մտածել է՝ կրակոցի ձայն չէր: Այդ մարդը զենքը բարձրացրել ու երկու հատ էլ է կրակել, նույն «թըխկ, թըխկ»-ն է լսվել: Իրենց հեռավորությունը նույնն էր, ինքը փախչելու մտադրություն չուներ: Թխկոցի ձայները լսելով՝ վազելով իրենց է մոտեցել Արմեն Մ.-ն:

Տեսնելով զենքը՝ նա ասել է. «Այ լակոտ, էս ի՞նչ ես անում»:

Հետո խոսակցություն չի եղել:

Նորից կրակոց է հնչել, կրկին իրեն չի դիպել: Հետո, իր կարծիքով,  այդ տղան ցանկացել է փախչել ճանապարհի ուղղությամբ, վերջին կրակոցն առանց նշան բռնելու կրակել է: Արմենն ընկել է: Ինքը վազել է Արմենի ուղղությամբ, նա գլուխն առել է ձեռքերի մեջ: Ինքը տեսել է, որ նրա աչքերը շաղվել են, ծանր է շնչում: Ինքը խառնվել, գոռացել է. «Փախար, հլա կանգնի»: Կանչել է Գուրամին, Արմենին տեղափոխել են հիվանդանոց, շտապօգնություն կանչելու վրա ժամանակ չեն ծախսել, տևել է մոտ տասնհինգ րոպե: Հիվանդանոցում հինգ րոպե հետո բժիշկը դուրս է եկել ու ասել, որ Արմենը մահացած է: Եկել են ոստիկանները, տարել են բաժին:

Տուժողը նշել է, թե կրակող տղան սպանելու հնարավորություն ուներ, նա վեց-յոթ անգամ կրակել է, կարող էր մի քանի քայլ առաջ գալ ու դիպուկ խփել: Ինքը կանգնած տեղից չի շարժվել, չի փախել, նա կարող էր մոտ գալ ու սպանել:

Ըստ տուժողի՝ Արմեն Մ.-ի վրա էլ «պրիցելնի» կրակոց չի եղել, «շալնոյ» կրակոց էր, որ կպել է Արմենին:

Տուժողը, պատասխանելով հարցերին, ասել է, թե դեպքի վայրում երբ հարցրել է՝ քաղաքում հարգանքով տղերքից ում ես ճանաչում, ես էլ հարգանքով տղերքից մեկն եմ՝ նկատի է ունեցել, որ հարգանքը մարդկանց միջև «օդից չեն ձեռք բերում, մարդուն հարգում են իր անցյալի, իր ապրածի, իր արարքների համար, և, ըստ իրեն, այդ հարգանքն ինքը ձեռք է բերել»…

Արմեն Մ.-ն մի քանի ամիս առաջ սրտի վիրահատություն էր տարել…

Տուժողը նշել է, թե ինքը չի իրեն «տուժող» ճանաչել, տուժող իրեն ճանաչել են, ինքը պատմել է իրականությունը, և ինքը կարող էր արժանանալ ընկերոջ բախտին… Ընդհանուր՝ եղել է յոթ կրակոց, ինքը չի կարող ասել՝ ինչու է ամբաստանյալը կրակել Արմենի ուղղությամբ:

Հետագայում տուժողը նշել է, թե իր վրա կրակողի դեմքը չի տեսել: Նա սկզբում զենքը պահել էր իր ոտքերի ուղղությամբ, երկու անգամ կրակել է, երկու անգամ էլ զենքը ավելի բարձրացրած դիրքում է կրակել: Ցանկացե՞լ է Արմեն Ո.-ն իրեն սպանել, թե՞ ոչ՝ տուժողը չի պատասխանել, ասել է, թե դա կարող է դատարանը գնահատել, ինքը գնահատող չէ…

Դատահոգեբուժական, դատահոգեբանական ամբուլատոր համալիր փորձաքննության եզրակացությամբ՝ Արմեն Ո.-ն ճանաչվել է մեղսունակ, դեպքի պահին նա ֆիզիոլոգիական աֆեկտի վիճակում չի գտնվել, եղել է հուզված, նյարդայնացած, հուզական լարված ու գրգռված վիճակում:

Դատարանը գործի քննությամբ հաստատված չի գնահատել սպանության փորձի մեղադրանքը, նշել է, որ չի ապացուցվել, թե Արմեն Ո.-ն Ռոբերտ Մ.-ին սպանելու փորձ է կատարել: «Արմեն Ո.-ի դիտավորությունն ուղղված է եղել Ռոբերտ Մ.-ի հոգեկան առողջությանը վնաս պատճառելուն՝ նրա մոտ սեփական կյանքի համար տագնապի զգացողության առաջացմանը»: Սպանության փորձի մեղադրանքը վերաորակվել է սպանության սպառնալիքով:

Արմեն Ո.-ն մեղավոր է ճանաչվել Արմեն Մ.-ին դիտավորյալ սպանելու, Ռոբերտ Մ.-ին սպանությամբ սպառնալու և ապօրինի հրազեն ձեռք բերելու, պահելու  համար՝ ՀՀ քրեական օրենսգրքի 104 հոդվածի 1-ին, 137 հոդվածի 1-ին և  235 հոդվածի 1-ին մասերով:

ՀՀ քրեական օրենսգրքի 137 հոդվածի 1-ին մասով վարույթը կարճվել է՝ վաղեմության ժամկետն անցած լինելու հիմքով:

Մյուս երկու հոդվածներով Արմեն Ո.-ն վերջին հաշվով դատապարտվել է 11 տարի ազատազրկման:

Պատժի սկիզբը՝ 2017 թվականի մարտի 14-ից:

Բաժիններ
Ուղիղ
Լրահոս
Որոնում