Լոնդոնում և Փարիզում ցույցերը վերածվեցին անկարգությունների

Լոնդոնի ոստիկանությունը ձերբակալել է ավելի քան 100 ցուցարարի։

Բրիտանիայի և Ֆրանսիայի մայրաքաղաքներում հակառասիստական ցույցերի ժամանակ բախումներ են տեղի ունեցել ցուցարարների և ոստիկանության միջև:

Շաբաթ՝ հունիսի 13-ին, Փարիզում և Լոնդոնում լայնամասշտաբ բողոքի ցույցեր տեղի ունեցան ընդդեմ ռասիզմի և ոստիկանության բռնությունների:

Ըստ BFM հեռուստաալիքի, Ֆրանսիայի մայրաքաղաքում Հանրապետության հրապարակ էր եկել մոտ երեք հազար մարդ:

Բողոքի ակցիայի մասնակիցներից շատերը «Սև կյանք» կարգախոսով պաստառներ էին տանում՝ դատապարտելով ոստիկանության աշխատանքը:

Նրանք կոչ են արել հետաքննություն անցկացնել սևամորթ ֆրանսիացի Ադամ Տրորեի մահվան առթիվ, որը 2016 թվականի հուլիսին ժանդարմների կողմից ձերբակալվելուց երկու ժամ անց մահացավ՝ անհայտ պայմաններում:

Ցույցի ընթացքում սև հագուստով և ծածկված դեմքերով մի խումբ մարդիկ խռովություն են սկսել՝ քարեր և շշեր նետելով ոստիկանության վրա: Ի պատասխան՝ իրավապահները արցունքաբեր գազ են օգտագործել:

Ցույցի ընթացքում ձերբակալվել է 26 մարդ:

Մարսելում նույնպես ռասիզմի դեմ ցույցերն անկարգությունների և ոստիկանության հետ բախումների վերածվեցին։