Առնվազն 11 մարդ է զոհվել ԱՄՆ-ում Ջորջ Ֆլոյդի մահվան հետ կապված անկարգությունների եւ բողոքի ակցիաների ընթացքում: Այս մասին հաղորդում է KTLA հեռուստաընկերությունը:
Նշվում է, որ զոհվածների մեծ մասը աֆրոամերիկացիներ են:
Հեռուստաընկերությունը նաեւ նշել է հարյուրավոր տուժածների մասին երկրի տարբեր քաղաքներում, սակայն նրանց ճշգրիտ թիվը որոշելը դեռ հնարավոր չէ:
Associated Press-ի ունեցած վերջին տվյալներով, բողոքի ակցիաների եւ անկարգությունների ընթացքում բերման է ենթարկվել մոտ 4,4 հազար մարդ: ԱՄՆ 40 քաղաքներում պարետային ժամ է հաստատված:
