«Ժողովուրդ» թերթը գրում է. «Ֆինանսական ոլորտի մասնագետների շրջանում գնալով խորանում է տեսակետը, որ Հայաստանը կարող է դառնալ համաշխարհային ֆինանսական շուկայի կարևոր խաղացող։ Բանն այն է, որ տնտեսության ավանդական ոլորտներում կտրուկ և շատ արագ զարգացում դժվար է ապահովել, իսկ ահա ֆինանասական շուկայում ճիշտ քայլերի դեպքում հնարավոր է երկիր ուղղել լուրջ շրջանառություն:
Այլ կերպ ասած՝ Հայաստանը «կրիպտո Շվեյցարիայի» վերածելու հնարավորություն ունի և այն թույլ կտա մեր երկրում բացել կրիպտոարժույթների (բիթքոյնների, էթերիում ևն) փոխանակման գրասենյակներ, բորսաներ, կանխիկացման կետեր, որն իր հերթին կաշխուժացնի տնտեսության այլ ճյուղեր ու երկիր կհոսեն հարյուր միլիոնավոր դոլարներ։ Ավելին՝ նման գործունեության համար որևէ խոչընդոտ չկա նաև Արցախի համար, ու մեզ փոխացնեցին, որ կրիպտոարժույթների կանխիկացմամբ, առուվաճառքով զբաղվող հայկական ընկերություններից մեկն արդեն բացել է իր մասնաճյուղն Արցախում, որը դեռևս միակն է ու կարող է դառնալ Արցախի ֆինանասական անկախության բաղկացուցիչներից մեկը։ Առհասարակ այսօր աշխարհում շատ են վերլուծություններն առ այն, որ ապագան կրիպտոարժույթներինն ու էլեկտրոնային փողերինն է, իսկ նման պրոդուկտներ արդեն իսկ ստեղծել են Չինաստանը, Ճապոնիան, Ֆեյսբուք սոցիալական ցանցը և տարբեր կորպորացիաներ ու պետություններ։
Այս թեմայով մենք կապվեցինք Հայաստանում կրիպտոարժույթի առուվաճառքով զբաղվող արաջատար Tetchange ընկերության հիմանադիր Հրաչյա Դանիելյանի հետ, ով նշեց, որ Հայաստանն ունի բացառիկ հնարավորություն սպասվող տնտեսական ճգնաժամի պայմաններում ստեղծել երկիր մտնող ֆինանսների լրացուցիչ հոսքեր, լուծել արտարժույթի պահուստների ապահովման լրացուցիչ հնարավորություններ, ինչպես նաև դարձնել մեր երկիրը կրիպտոտուրիզմի կենտրոն, քանզի ըստ Դանիելյանի, աշխարհում նշմարվում է բացառապես կրիպտոարժույթներով առևտուր ու վճարումներ կատարել ցանկացող զբոսաշրջիկների կտրուկ աճ։ Tetchange-ի հիմնադիրը նշեց նաև, որ հասունացել է ՀՀ-ում այս ոլորտը կարգավորող օրենք ունենալու անհրաժեշտությունը՝ հավելելով, որ պատրաստ են այս հարցով մասնակցել մասնագիտական քննարկումների»:
Առավել մանրամասն՝ թերթի այսօրվա համարում:
