Հեղափոխական տրամաբանության մեջ անհասկանալի է կոռուպցիոներներին շանս տալը․ ում էին ուղղված վարչապետի հայտարարության սլաքները

Վարչապետ Նիկոլ Փաշինյանը հերթական անգամ դժգոհել է պետական կառավարման համակարգի աշխատանքից, ասել, որ պետք է մաքրվել, իր ձևակերպմամբ՝ «Սերժի մնացորդներից»։ Նիկոլ Փաշինյանը խոսել է շանսից օգտվածների մասին է, ու նաև նրանց, որոնք շանսը չեն հասկացել, չեն օգտվել, նրանք պետք է լքեն։ Թեմայի շուրջ «Առաջին լրատվական»-ը զրուցել է կառավարման փորձագետ Սերոբ Անտինյանի և քաղաքագետ Ռոբերտ Ղևոնդյանի հետ: «Սերժի մնացորդներից պետք է մաքրվել…, շանսը չեն օգտագործել, մեղքն իրենց վիզը»։ Իսկ ինչու է վարչապետը կարծում, որ այդ մարդիկ չեն օգտագործել շանսը։ Շատերը լավ էլ օգտագործել են այն, թեկուզ դատական համակարգի վերաբերյալ վարչապետի նույնաբովանդակ խոսքն ու դրա հետևանքները, որոնք մինչև օրս չի լինում լուծել։ Դատավորներ, դատախազներ, քննիչներ, ոստիկաններ պատվերով մարդկանց բռնել, մեղադրանքներ են ներկայացրել, պաշտոնյաներ, որ երկիրը հարստահարել են, սիրո և հանդուրժողականության մթնոլորտում օգտագործել են հնարավորությունը։