Վաղը՝ ապրիլի 14-ին Արցախում տեղի կունենա նախագահական ընտրությունների երկրորդ փուլը: Արցախի Հանրապետության նախագահ Բակո Սահակյանն ուղերձով դիմել է հանրապետության քաղաքացիներին և տեղեկացրել, որ ապրիլի 12-ին ստորագրել է հրամանագիր Արցախի Հանրապետությունում արտակարգ իրավիճակ հայտարարելու մասին՝ պայմանավորված Արցախում կորոնավիրուսային վարակի արձանագրված դեպքերով:
Թեմայի շուրջ «Առաջին լրատվական»-ի հետ զրույցում ԱԺ փոխնախագահ Ալեն Սիմոնյանը նշեց, որ Արցախի Հանրապետությունում կարող է գործել արտակարգ ռեժիմի երեք տարբերակ՝ արտակարգ իրավիճակ, արատակարգ դրություն և ռազմական դրություն. «Բնական է, որ ընտրական գործընթացի կազմակերպման ընթացքում նման զգուշավորություն է ցուցաբերվում Արցախի իշխանությունների կողմից: Կարծում եմ ընտրական գործընթացը նորմալ կընթանա»:
Հարցին, թե արդյոք ռիսկային չէ Արցախում ընտրություններ անցկացնելը, երբ այնտեղ նույնպես կորոնավիրուսային վարակի դեպքեր են արձանագրվել, Ալեն Սիմոնյանը պատասխանեց, որ այդ հարցի պատասխանը սպառիչ կերպով տվել է Բակո Սահակյանը՝ ընդգծելով, որ Արցախի անվտանգությունը, Արցախի պետականության շարունակականությունը չապահովելն ավելի ռիսկային են. Արցախում կարող էր սահմանադրական ճգնաժամ առաջանալ .«Կարծում եմ՝ ճիշտ որոշում է կայացվել»:
Մանրամասն՝ տեսանյութում:
