Ավստրալիայից և Հարավաֆրիկյան Հանրապետությունից գիտնականների միջազգային խումբը հայտնաբերել է Homo erectus մարդու անմիջական նախնիի մնացորդները, որոնց տարիքը հասնում է 2 միլիոն տարվա: Դա 200 հազար տարով երկարաձգում է էրեկտուսների ի հայտ գալը: Բացահայտման մասին, որով վերանայվում է մարդու էվոլյուցիայի պատմությունը, հաղորդում է Science Alert պարբերականը:
DNH 134 քարացած գանգը գտել են 2015 թվականին աֆրիկյան Դրիմոլեն քարանձավային համալիրի նստվածքաշերտում, որը հայտնի է որպես Մարդկության օրրան (Յոհանեսբուրգից 50 կմ հեռավորության վրա, ՀԱՀ): Հետազոտողները կիրառել են թվագրության մի քանի մեթոդներ և կարողացել են սահմանել շատ նեղ տարիքային դիապազոն՝ 1,95-2,04 միլիոն տարի Դրիմոլենի գլխավոր նստվածքաշերտերի և դրանում պարունակված մնացորդների համար:
Գտածոն հաստատում է մարդու ծագման աֆրիկյան հիպոթեզը, համաձայն որի՝ մարդիկ անատոմիական ժամանակակից տիպով առաջացել են Աֆրիկայում, ոչ թե Ասիայում: Նրանց ի հայտ գալու ճշգրիտ վայրը հնարավոր է ոչ թե Արևելյան Աֆրիկան է, ինչպես համարում են շատ մասնագետներ, այլ մայրցամաքի մյուս հատվածը, հնարավոր է Հարավային Աֆրիկան:
