Բժիշկ և հեռուստահաղորդավար Եվգենի Կոմարովսկին ցրել է դիմակների արդյունավետության մասին միֆը: YouTube-ում տեղադրված իր նոր տեսանյութում նա նաև նշել է, որ «ածխածնի զտիչներով սև հակավիրուսային դիմակները» նույնպես չեն պաշտպանի կորոնավիրուսից:
«Ցանկացած ֆիլտրով դիմակները մաքուր խաբեություն են», – ասել է բժիշկը:
Միևնույն ժամանակ, Կոմարովսկին նշել է, որ համաճարակի ժամանակ պաշտպանության իսկապես արդյունավետ միջոց է ռեսպիրատորը:
Ավելի վաղ Կոմարովսկին հերքել էր կորոնավիրուսի մասին մի քանի տարածված միֆեր, որոնց շատերը լուրջ են վերաբերվում: Նա ասել է, որ իրեն պարբերաբար գրում են այն մասին, որ այս կամ այն դեղամիջոցը, խոտաբույսը կամ մթերքը օգնում է պաշտպանվել նոր վիրուսից: Բժիշկը վրդովված էր ապատեղեկատվական տեսանյութերի հազարավոր դիտումներից և հերքել է չստուգված և կեղծ տեղեկությունները:
Ըստ վերջին տվյալների՝ Ռուսաստանում կորոնավիրուսով վարակվածների թիվը եղել է 8672: Երկրում կորոնավիրուսային վարակի տարածման ամբողջ ժամանակահատվածում գրանցվել է 70 մահվան դեպք, առողջացել է 580 մարդ: