Չինաստանում բժիշկները կնոջ մոտ նոր կորոնավիրուսի հարուցած հիվանդության ախտորոշումը հաստատել են միայն իններորդ անգամ արյան մեջ նուկլեինաթթվի անալիզ վերցնելուց հետո: Այդ մասին փետրվարի 25-ին հայտնել Է «Ժենմին ժիբաո» թերթը՝ տեղեկացնում է TASS-ը:
Հրատարակության տվյալներով՝ Տան ազգանունով 56-ամյա չինուհին ապրում է Չինաստանի Սիչուան հարավարևմտյան նահանգի Անյուե գավառում: Երկար ժամանակ նա ամանեղեն լվացող է աշխատել նահանգի հարևանությամբ գտնվող կենտրոնական ենթակայության Չունցին քաղաքի հյուրանոցներից մեկում: Որոշ ժամանակ առաջ հյուրանոցի աշխատակիցներից մեկի մոտ հայտնաբերվել էր կորոնավիրուս, ինչի հետևանքով փետրվարի 2-ին կինը ենթարկվել էր կարանտինի:
Փետրվարի 7-ից մինչէ 23-ն ընկած ժամանակահատվածում նրանից ութ անգամ նուկլեինաթթվի անալիզ են վերցրել, սակայն դրանք բոլորն էլ բացասական են եղել: Փետրվարի 24-ին, հիմնվելով կլինիկական ախտանշանների է հերթական թեստի արդյունքների վրա, բժիշկները, այնուամենայնիվ, հաստատել են նոր կորոնավիրուսի հարուցած հիվանդության ախտորոշումը:
