«Սպիտակ սաղավարտներ» կազմակերպությունը Khayyat Tahrir al-Sham-ի ահաբեկիչների աջակցությամբ սիրիական Իդլիբում քիմիական նյութերի կիրառմամբ սադրանք է նախապատրաստում՝ հայտնում է Սիրիայում պատերազմող կողմերի հաշտեցման ռուսական կենտրոնը: Այդ մասին հայտնում է interfax-ը:
«Սպիտակ սաղավարտների» ներկայացուցիչները Իդլիբի էսկալացիոն գոտու Մաարեթ ալ-Արտ գյուղ են հասցրել 400 լիտր քիմիական լուծույթ՝ նշել են ռուս զինվորականները: Ըստ նրանց տեղեկությունների՝ նախատեսվում է գործողությանը ներգրավել մոտ 200 մարդու, որոնց թվում են զինյալների՝ Իդլիբի գոտում գտնվող հարազատները:
Պատերազմող կողմերի հաշտեցման և Սիրիայի Արաբական Հանրապետությունում փախստականների տեղաշարժի վերահսկման կենտրոնը դիմել է Թուրքիային՝ զինյալների վրա ճնշում գործադրելու խնդրանքով և կանխելու այդ սադրանքն իր վերահսկողության տակ գտնվող դեէսկալացիոն գոտու հատվածում: