Այսօր՝ «Էրեբունի պլազա» հյուրանոցում կրակոց արձակողը Արթուր Թորոսյանն է։ Ուսումնասիրելով նրա ֆեյսբուքյան էջը պարզ է դառնում, որ նա ՀՀ երկրորդ նախագահ Ռոբերտ Քոչարյանի համակիրներից է։
Մեր տեղեկություններով՝ Արթուր Թորոսյանը հունվարի 21-ին ներկա է գտնվել նաև Մարտի 1-ի գործով ընթացող դատական նիստին:
Ի դեպ դեռ 2019-ի օգոստոսին վերջինս սոցցանցի իր էջում գրառում է կատարել՝ հույս հայտնելով, որ Ռոբերտ Քոչարյանը կլինի ազատության մեջ։
Հիշեցնենք, որ հունվարի 23-ին ժամը 14.40-ին ոստիկանությունում ահազանգ է ստացվել, որ «Էրեբունի պլազա» հյուրանոցում զինված անձ կա, որը կրակում է։ Անմիջապես դեպքի վայր են մեկնել ոստիկանության ղեկավար կազմն ու օպերատիվ խմբեր: «Էրեբունի պլազա» բիզնես կենտրոնում կրակոցներ արձակած անձը վնասազերծվել է և տեղափոխվել ոստիկանություն: 1987 թվականին ծնված տղամարդը ձերբակալվել է: ՀՀ ՔԿ նախագահ Հայկ Գրիգորյանի հանձնարարությամբ գործը քննվում է ՀՀ ՔԿ Երևան քաղաքի քննչական վարչության ծանր հանցագործությունների քննության բաժնում»,-ասաց Նաիրա Հարությունյանը