Ամերիկյան հեղինակավոր Time ամսագիրը կազմել է աշխարհի ամենաազդեցիկ 100 մարդկանց վարկանիշային աղյուսակը:
Աղյուսակի մեջ ներառվել են 26 քաղաքական գործիչներ, որոնց թվում են Գերմանիայի կանցլեր Անգելա Մերկելը, ԱՄՆ նախագահ Բարաք Օբաման և պետքարտուղար Ջոն Քերին, Ռուսաստանի նախագահ Վլադիմիր Պուտինը, Չինաստանի առաջորդ Սի Ցզինպինը, Ճապոնիայի վարչապետ Սինդձո Աբեն, հյուսիսկորեական առաջնորդ Կիմ Չեն Ինը, ինչպես նաև Իրանի նախագահ Հասան Ռուհանին, Վենեսուելայի նախագահ Նիկոլաս Մադուրոն:
Ցուցակի մեջ ընդգրկվել է նաև ԿՀՎ նախկին գործակալ Էդվարդ Սնոուդենը: «Գործարարություն» կատեգորիայում նշվում է Snapchat սերվիսի հիմնադիր Էվան Շպիգելը, որը հրաժավել է իր սերվիսը վաճառել Facebook ընկերությանը, ինչպես նաև Alibaba Group-ի ղեկավար Ջեք Ման:
Արվեստի բնագավառում ամենաազդեցիկ են ճանաչվել դերասաններ Մեթյու Մաքքոնահին, Ռոբերտ Ռեդֆորդը, Էմի Ադամսը, Բենեդիկտ Կամբերբետչը, ռեժիսորներ Ալֆոնսո Կուարոն և Սթիվ Մաքքուինը, երգչուհիներ Բեյոնսեն, Մայլի Սայրուսը և Ֆարել Ուիլյամսը, ինչպես նաև նկարիչ Մարինա Աբրամովիչը:
Time ամսագրի կազմած ամենաազդեցիկ մարդկանց վարկանիշային ցուցակը սահմանվում է ըստ մայրցամաքների, մասնագիտությունների և տարիքի: Ցուցակի մեջ ներառվում են աշխարհում ճանաչված քաղաքական գործիչներ, դերասաններ, մարզիկներ, գիտնականներ և հասարակական գործիչներ: Առաջին անգամ աշխարհի ամենաազդեցիկ մարդիկ ընտրվել են 1999թ., երբ հրապարակվել է ХХ դարի ամենահեղինակավոր մարդկանց ցուցակը: Իսկ 100 ամենահեղինակավոր մարդկանց վարկանիշային աղյուսակը Time-ը սկսել է հրապարակել 2004 թվականից սկսած:
