Boeing ամերիկյան կորպորացիան քննարկում է 737 տեսակի ինքնաթիռների արտադրության կասեցման կամ կրճատման հարցը, գրում է Wall Street Journal-ը՝ վկայակոչելով իրազեկ աղբյուրները:
Երկու ավիաղետներից հետո ինքնաթիռները ինը ամիս է չեն թռչում: Մինչև հիմա օդանավերին անվտանգության հավաստագիր չի տրվել, և մինչև տարեվերջ իրավիճակը չի փոխվելու: Ընկերության աշխատակիցները պետք է ապացուցեն այս մոդելի անվտանգությունը, որը 346 մարդու կյանք է խլել:
Ըստ աղբյուրի, ընկերության ղեկավարությունն ավելի ու ավելի է հակված ամբողջովին դադարեցնել ինքնաթիռների մի ամբողջ սերնդի արտադրությունը:
Օդանավերի արտադրության կրճատումը կարող է հանգեցնել կորպորացիայում և ամբողջ օդատիեզերական արդյունաբերության ոլորտում աշխատատեղերի կրճատման: Հրապարակումը հավելում է, որ բացասական հետևանք կարող են լինել նար տարբեր ավիաընկերությունների աշխատանքի խափանումը։
