Բեյոնսեն և Ջեյ Զին, երևում է, Քարդաշյաններ ընտանիքի մասին ռեալիթի-շոուի սիրահարներ չեն. այս զույգը Քիմ Քարդաշյանի և Քանյե Ուեսթի հարսանիքին չի մասնակցի, քանի որ չի ցանկանում մասնակցել նկարահանումներին: Ավելի վաղ հաղորդվում էր, որ երգչուհին և նրա ամուսինը կասկածում են՝ ընդունե՞լ հարսանիքի հրավերը, թե՞ ոչ, ԶԼՄ-ներին մեջբերելով՝ գրում է spletnik.ru-ն:
Այն, որ հարսանիքից կադրեր կցուցադրվեն ռեալիթի-շոուում՝ կասկածել պետք չէ, իսկ Բեյոնսեն և նրա ամուսինը չեն ցանկանում դրա մասնակիցը դառնալ:
Տեղեկացված աղբյուրները հավաստում են. «Ջեյ Զին անպայման կգնար հարսանիքին, եթե այն այդքան հրապարակային իրադարձություն չլիներ»:
Ընդ որում, Քանյեն և Քիմը չպետք է նեղանան իրենց ընկերներից, քանի որ նրանք, որպես փոխհատուցում, շռայլ նվերներ են պատրաստել, գրում են ԶԼՄ-ները: Իսկ Ջեյ Զին պլանավորում է 160 հազար դոլարով զբոսանավ վարձել, որով Քիմն ու Քանյեն հարսանեկան ճամփորդության կմեկնեն:
Աղբյուրներն ասում են. «Ջեյ Զին ընկերոջ առջև կքավի իր մեղքը և նրա պատվին իր ակումբում երեկույթ կկազմակերպի: Դա մի ամբողջ կարողություն կարժենա»:
Ջեյ Զին ու Քանյեն երկար տարիներ ընկերություն են անում, իսկ ահա Բեյոնսեն Քիմի հետ հաճույքով չի շփվում: Վերջերս Քիմին և Բեյոնսեին միասին տեսած ականատեսը պատմել է. «Քիմը շատ ուրախ է եղել տեսնել Բեյոնսեին և միանգամից սկսել է զրուցել նրա հետ, իսկ ահա Բեյոնսեն կարծես թե չի ցանկանում Քիմի հետ ընդհանուր բան ունենալ»:
Դրանք միայն բամբասանքներ են, իրենք՝ աստղերը, գերադասում են իրենց հարաբերությունները չմեկնաբանել:
