Ռուսաստանի Զաբայկալիե երկրամասում ավտոբուսի կամրջից ընկնելու հետևանքով 20 մարդ է զոհվել: Այս մասին «Ինտերֆաքս»-ին հաղորդել է տեղեկացված աղբյուրը:
Երկրամասի ղեկավարությունը հաստատել է 19 մարդու մահը: Եվս 21-ը ստացել են տարբեր աստիճանի մարմնական վնասվածքներ, հայտնում են երկրամասի իշխանությունները՝ վկայակոչելով Զաբայկալիե երկրամասի ԱԻ վարչությանը:
Ըստ նախնական տվյալների, ավտոբուսում եղել է 44 մարդ:
Դեպքի վայր են մեկնել սանավիացիայի երկու ուղղաթիռներ՝ բժիշկների խմբերով: Տուժած ուղևորները տեղափոխվել են Ներչինսկ և Սրետենսկ քաղաքների կենտրոնական շրջանային հիվանդանոցներ:
Փաստի առթիվ հարուցվել է քրեական գործ՝ «անվտանգության պահանջներին չբավարարող ծառայություններ մատուցելը, ինչը հանգեցնում է երկու կամ ավելի անձանց մահվան անզգուշության հետևանքով» հոդվածով:
