Երեք կին մեղադրել են Եվրամիությունում ԱՄՆ դեսպան Գորդոն Սոնդլենդին սեռական ոտնձգությունների մեջ: Այս մասին հաղորդում է The Hill պարբերականը:
Այսպես, Նիկոլ Վոգելը, Ջանա Սոլիսն ու Նատալի Սեպտը հայտարարել են, որ Սոնդլենդն առանց իրենց համաձայնության համբուրել է իրենց կամ փորձել է դա անել: Մեղադրողներից մեկն էլ պնդում է, որ դեսպանն իր առջև մերկացել է:
Նշվում է, որ այս երեք կանանց հետ Սոնդլենդը գործնական հարաբերությունների մեջ է եղել:
Կանանց ներկայացրած դրվագները տեղի են ունեցել նախքան Սոնդլենդի դեսպան նշանակվելը:
Ինքը՝ դիվանագետը, այս ամենը կտրականապես հերքում է՝ կանանց հայտարարությունները «քաղաքական նպատակներով համակարգված» անվանելով:
Դեսպանի փաստաբանը մեղադրել է կանանց՝ իմպիչմենթի վերաբերյալ գործով Սոնդլենդի ցուցմունքերը վիժեցնելու փորձի մեջ:
Սոնդլենդը Թրամփի իմպիչմենթի գործով կոնգրեսի հետաքննության գլխավոր դերակատարներից մեկն է դարձել, քանի որ նա նախագահի աշխատակազմի այն պաշտոնյաներից է, որոնք պնդում էին, որ Ուկրաինան հետաքննություն սկսի նախկին փոխնախագահ Ջո Բայդենի և նրա որդու՝ Հանթեր Բայդենի նկատմամբ: