ԱՄՆ-ում պաշտոնյաները չեն կարողանում համաձայնության գալ՝ «Դելտա» հատուկ ջոկատի ծառայողական շանը կամ «տղա» կամ «աղջիկ» անվանելով, հաղորդում է The Washington Post-ը:
Քոնանը մասնակցել է ԻՊ-ի առաջնորդ Աբու Բաքր ալ-Բաղդադիի ոչնչացման գործողությանը, որտեղ վիրավորվել է: Նոյեմբերի 26-ին ԱՄՆ նախագահ Դոնալդ Թրամփը շանը պարգևատրել է մեդալով և պատվոգրով Սպիտակ տան այգում:
Հաջորդ օրերին դաշնային պաշտոնյաները ցանցում բուռն քննարկել են շան սեռը:
Թրամփը շանը «տղա» է անվանել, ինչպես և Սպիտակ տան խոսնակ Ստեֆանի Գրիշամը: ԱՄՆ ՊՆ խոսնակը շանն «աղջիկ» է անվանել, իսկ ավելի ուշ Պենտագոնի մեկ այլ ներկայացուցիչ հայտարարել է, որ Քոնանը որձ շուն է:
Միևնույն ժամանակ, Սպիտակ տան խորհրդական Քելիանի Քոնվեյը հրաժարվել է մեկնաբանել շան սեռի մասին հաղորդումները՝ խուսափելով գենդերային հողի վրա սկանդալի առաջացումից:
Որոշ լրատվական գործակալություններ շանն ընդհանրապես «զրկել են սեռից»՝ խոսելով Քոնանի մասին չեզոք սեռով:
Ազգային անվտանգության վերաբերյալ օրենսդրության ոլորտի Բրուքինգի ինստիտուտի աշխատակից Սյուզան Հենեսին հայտարարել է, որ մի կողմից դա «շատ հիմար պատմություն է», բայց մյուս կողմից դա «Սպիտակ տան և պաշտպանության նախարարության անմեղ և ստուգելի փաստի վերաբերյալ հստակ և հավաստի տեղեկատվություն տրամադրելու անկարողության մասին վառ օրինակ է»:
Թրամփը ԻՊ առաջնորդի ոչնչացման մասին հայտարարել է հոկտեմբերին՝ ավելի ուշ Twitter-ի իր էջում տեղադրելով սիրիական Իդլիբում գրոհի ժամանակ վիրավորված շան լուսանկար: