ՀՀ ԱԻՆ «911» ծառայությունը նոյեմբերի 27-ին՝ ժամը 03:37-ին, ահազանգ է ստացել այն մասին, որ հրդեհ է բռնկվել Գեղարքունիքի մարզի Նորաբակ գյուղի դպրոցում:
ՀՀ ԱԻՆ-ը տեղեկացնում է, որ դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից երեք մարտական հաշվարկ և մեկ օպերատիվ խումբ: Պարզվել է, որ հրդեհը բռնկվել է Նորաբակ գյուղի 3-րդ փողոցի թիվ 1 հասցեում գտնվող միջնակարգ դպրոցի տանիքում: Հրդեհը մեկուսացվել է ժամը 05:19-ին, մարվել՝ 10։19-ին: Այրվել են տանիքի փայտյա կառուցատարրերը՝ մասնակի, վնասվել ազբոշիֆերները (մոտ 500 քմ):
