Չեխիայի իրավապահ մարմինները քրեական գործեր են հարուցել նախկին Չեխոսլովակիայի Սոցիալիստական Հանրապետության (Չեխոսլովակիա) առաջնորդների դեմ, հայտնում է TASS-ը՝ վկայակոչելով դատախազության ներկայացուցիչ Յան Լելեկային:
Մեղադրանքներ են առաջադրվել Չեխոսլովակիայի Կոմունիստական կուսակցության նախկին գլխավոր քարտուղար Միլոշ Յակեշի, սոցիալիստական հանրապետության կառավարության նախկին նախագահ Լյուբոմիր Շտրոուգալուի և ՆԳ նախարար Վրատիսլավ Վայների դեմ:
Ըստ դատախազության ներկայացուցչի՝ Չեխոսլովակիայի նախկին առաջնորդները մեղադրվում են լիազորությունները չարաշահելու մեջ: Նա բացատրել է, որ Յակեշի, Շտրոուգալուի և Վայների իշխանության ընթացքում Չեխոսլովակի սահմանապահներն ակտիվորեն հրազեն են կիրառել սահմանը ապօրինի հատող քաղաքացիների դեմ:
Չեխիայի նախագահի մամուլի խոսնակ Իրժի Օվչաչեկը Twitter-ի իր էջում ոստիկանության որոշումը որակել է որպես «քաղաքական ժեստ», որը նվիրված է Թավշյա հեղափոխության տարեդարձին:
