Սանտյագոյում բողոքի ակցիաների ընթացքում անհայտ անձինք բանկ են թալանել՝ գրեթե 190 հազար դոլար: Այս մասին հաղորդում է France 24 հեռուստաալիքը:
Կողոպտիչները բանկ են թափանցել թթվածնի դանակներով: Պետբանկի մասնաճյուղից նրանք հափշտակել են 190 հազար դոլար և երկու միավոր զենք:
Հիշեցնենք. Չիլիում զանգվածային բողոքի ակցիաները սկսվել են հոկտեմբերի կեսերին: Դժգոհության պատճառը մետրոյով երթևեկելու գնի բարձրացումն էր: Ավելի ուշ ցույցերը վերաճել են անկարգությունների և ոստիկանության հետ բախումների:
Հոկտեմբերի 20-ին երկրի իշխանությունները մայրաքաղաք Սանտյագոյում և նրա մատույցներում մտցրել են պարետային ժամ: Բողոքի ակցիաների ընթացքում զոհվել է 23 մարդ, տուժել ավելի քան 2000-ը:
