Եվրոպական երկրների մեծ մասում ընտանի կենդանիների համար ծախսերը շատանում են՝ համաձայն Euromonitor-ի և Գերմանիայի Կենդանաբանական ձեռնարկությունների կենտրոնական ասոցիացիայի (ZZF) վիճակագրության: Ընտանի կենդանիների ծախսերով առաջատարը Մեծ Բրիտանիան է, որի բնակիչները 2017-ին ծախսել են 5,3 միլիարդ եվրո: 2008-ից 2017 թվականների ընթացքում բրիտանացիների ծախսերն աճել են մեկուկես անգամ (3,7 միլիարդ եվրոյից):
Ծախսերի առումով առաջին երեք երկրների շարքում են նաև Գերմանիան և Ֆրանսիան:
Նշվում է, որ վերջին ինը տարիների ընթացքում ընտանի կենդանիների ծախսերի առավել նշանակալից աճ է ցույց տվել Ռուսաստանը՝ ավելի քան երկու անգամ՝ 2008-ի 1,2 միլիարդ եվրոյից մինչև 2017 թ․ 2,7 միլիարդ եվրո: Ռուսաստանին է պատկանում ևս մեկ ռեկորդ՝ կենդանիների քանակով: Ըստ մասնագետների՝ ռուսների տներում կա 47,4 միլիոն տարբեր տնային կենդանիներ (բացառությամբ ակվարիումի ձկների և տերարիումի բնակիչների՝ կրիաներ, մողեսներ և այլն):