Ուղևորատար Sewol նավը, որն այսօր առավոտյան վթարվել է Հարավային Կորեայի հարավարևմտյան ափից 100 կմ հեռավորության վրա, գրեթե ամբողջությամբ ջրի տակ է անցել: Այս մասին հայտնում է France Presse գործակալությունը՝ հղում անելով տեղի ԶԼՄ-ներին:
Մինչ այժմ հաջողվել է նավից տարհանել այնտեղ եղած 477 մարդկանցից 388-ին: Եվս 2-ին մահացած են գտել: Հաղորդվում է, որ բոլոր փրկվածները տեղի դպրոցների ուսուցիչներ ու աշակերտներ են:
Նավը նրանց էքսկուրսիա էր տանում Ինչհոն նավահանգստից դեպի Չեդժու կղզի: Այն ուղևորությունը սկսել էր տեղի ժամանակով մոտ 21.00-ին (Երևանի ժամանակով՝ 16.00-ին), իսկ 8.58-ին (Երևանի ժամանակով՝ 03.58-ին) աղետի ազդանշան ուղարկել:
Ենթադրվում է, որ վթարը կարող է տեղի ունեցած լինել ստորջրյա խութի բախվելու հետևանքով:
