«Կարծում եմ, որ նախարարի հրաժարականի պահանջը շատ ընդհանրական է: Եթե կոնկրետացնում ենք խնդիրները, ապա մինչև հրաժարականի պահանջ դնելը պետք է քննարկել, տեսնել, թե Կրթության, գիտության, մշակույթի և սպորտի նախարարն ինչ դիրքորոշում ունի, դա ինչքանով է կարծր, քննարկելի է, թե ոչ… միանգամից հրաժարական պահանջելն անընդունելի է, հրաժարական պահանջելը վերջին միջոցն է»,- այս մասին ասաց ԱԺ «Իմ քայլը» խմբակցության քարտուղար Հակոբ Սիմիդյանը՝ անդրադառնալով դիտարկմանը, որ ԿԳՄՍ նախարար Արայիկ Հարությունյանի հրաժարականի պահանջ է ներկայացվում և դրա առաջամարտիկը ՀՅԴ-ն է: «Գործ ունենք քաղաքական ուժի հետ… Տեղի է ունենում անխուսափելի գործընթաց: Սա քաղաքական մշակույթ է… Աղմուկը օրենքի փոփոխության մասով է, իսկ ԿԳՄՍ նախարարը բազմաթիվ փաստարկներ ունի»,- նշեց մեր զրուցակիցը:
Դիտարկմանը, որ կա կարծիք, թե նման քայլերը դրսից են ուղղորդվում, Հակոբ Սիմիդյանն արձագանքեց. «Նման գնահատականները պետք է փաստարկված լինեն: Անգամ տպավորությունները պետք է հիմնավոր լինեն, ոչ թե միայն անհիմն, հոռետեսական կարծիքներ հնչեցնեն»:
«Իմ քայլը» խմբակցության քարտուղարը նաև ընդգծեց, որ իշխանությունները ադեկվատ են իրականությանը և ադեկվատ մոտեցում ունեն քննադատությունների վերաբերյալ: «Եթե տեսակետներ կան, որոնք ավելի ճշմարտացի են, քան որևէ գործչի տեսակետը, ապա նախագծերը ենթակա կլինեն փոփոխության»:
«Իմ քայլը» խմբակցության քարտուղարն ընդգծեց նաև, որ Արայիկ Հարությունյանը, լինելով գերատեսչության ղեկավար, շատ լավ գիտի, թե ինչ է տեղի ունեցել անցյալում և կարող էր նախահարձակ լինել: Ասաց, որ կանի…»:
Մանրամասն տեսանյութում:
