Ամերիկացի հանրապետական սենատոր Ջոն Մաքքեյնը, ով երկուշաբթի այցով ժամանել է Տալլին, կարծում է, որ ԱՄՆ-ը պետք է զինի Ուկրաինային, որպեսզի այն կարողանա պաշտպանվել Ռուսաստանից: Այս մասին հայտնում է RIA Novosti-ն:
«Մենք պետք է Ուկրաինային զենք տանք, որպեսզի նա կարողանա պաշտպանել իրեն: Այժմ մենք տեսնում ենք, որ Ռուսաստանը սպառնում է իր հարևանին: Ափսոս, որ ԱՄՆ-ը զենք չի տալիս Ուկրաինային»,- ասել է Մաքքեյնն էստոնական հեռուստատեսության եթերում:
Սենատորի խոսքով՝ առանց Ուկրաինայի Ռուսաստանը պարզապես երկիր է, Ուկրաինայի հետ՝ կայսրություն:
Հանրապետական սենատորներ Ջոն Մաքքեյնն ու Ջոն Հովենը երկուշաբթի երկօրյա այց են կատարել Էստոնիա՝ քննարկելու Ուկրաինայում տիրող իրավիճակը: Այցի ընթացքում նրանք մտադիր են հանդիպել Էստոնիայի կառավարության անդամների հետ:
