Ֆլորիդայի բնակչուհի Քերի Բլոխը բաժանորդներին հայտնել է այն հարցը, որը տվել է նրա 21-ամյա որդի Դևիդը, ով չի խոսել 15 տարուց ավելի: Կինը չի կարողացել զսպել արցունքները, երբ լսել է հարցը, և այն հրապարակել է Twitter-ում, ինչի շնորհիվ որդին բազմաթիվ ընկերներ է ձեռք բերել ամբողջ աշխարհում:
Դևիդը լռել է չորս տարեկանում, երբ նրա մոտ սկսել են ծանր աուտիզմի նշաններ հայտնվել: Նա օրական սոսկ մի երկու բառ է գործածել, դրա համար նրան հուշումներ են պահանջվել: Տղան գործնականում մեկուսացել է հասարակությունից՝ նրա մոտ ծանր իմունային անբավարարության ախտորոշման պատճառով, ինչի հետևանքով նա չի շփվել սոցիումի հետ, որպեսզի չհիվանդանա: 2019 թվականի աշնանը Դևիդը երկար ժամանակ ի վեր առաջին անգամ սկսել է կապակցված խոսել: Հոկտեմբերի 30-ին Դևիդը կյանքում առաջին անգամ հարց է տվել մորը․ «Ես երբևիցե դու՞ր կգամ որևիցե մեկին»։
«Ես ստիպված էի հեռանալ, որ լաց լինեմ, քանի դեռ նա չէր տեսնում, որովհետեւ ինձ այնքան վատ զգացի: Նա ցանկանում է, որ իրեն սիրեն, ուզում է ընկերներ ունենալ, բայց չգիտի, ինչպես բարեկամներ ձեռք բերել»,- պատմել է Բլոխը BuzzFeed News-ին:
Նա որդուն պատասխանել է, որ նրան սիրում են ծնողները, աստված և հանգուցյալ տատիկը: Նա դուր կգա յուրաքանչյուրին, ով նրան մոտիկից ճանաչի: Այն բանից հետո, երբ կինը Twitter-ում հրապարակել է որդու առաջին հարցը, պարզվել է, որ նրա հետ ընկերություն անել են ցանկանում հազարավոր մարդիկ ամբողջ աշխարհում:
«Դևիդին ասա, որ նա ընկեր ունի Լոնդոնում… նաև իմ ընտանիքը: Սիրո՛վ»,- գրել է երեք երեխաների հայր Դեն Ֆերդինանդը՝ հրապարակելով ընտանիքի հետ լուսանկարը: «Դևիդ, ես ապրում եմ շատ հեռու՝ Հորդանանում: Այժմ արդեն գրեթե կեսգիշեր է, և ես լավ, բայց երկար օր ունեցա: Քո երկու լուսանկարներն ինձ ստիպեցին ժպտալ քնելուց անմիջապես առաջ: Ես համոզված եմ, որ դու ինձ դուր կգաս հանդիպման ժամանակ. թեկուզև այն պատճառով, որ դու ինձ դուր ես գալիս լուսանկարով»,- տղային է դիմել Պատրիսիա Բաքիրը: Թվիթին արձագանքել են աուտիկ երեխաներով բազմաթիվ ընտանիքներ: Բլոխի թվիթը վիրուսային է դարձել և բարձրացրել Դևիդի մարտնչող ոգին: Մոր խոսքով՝ ինքն ու որդին ապշել են օգտատերերի արձագանքից:
«Ձեզնից յուրաքանչյուրը մեր կյանքն ավելի լավը դարձրեց: Մենք ձեզ սիրու՛մ ենք»,- գրել է հուզված մայրը՝ զետեղելով որդու լուսանկարը, որը ձեռքին բռնել է «Բարեկամնե՛ր, շնորհակալություն, որ ես ձեզ դուր եմ գալիս» պաստառը:
https://twitter.com/dsmom58/status/1189640501122740224?ref_src=twsrc%5Etfw%7Ctwcamp%5Etweetembed%7Ctwterm%5E1189640501122740224&ref_url=https%3A%2F%2Farmenpress.am%2Farm%2Fnews%2F994190.html
