Վիկտորյա Բեքհեմը իր 40-ամյակը կնշի ապրիլի 17-ին, սակայն նրա կազմվածքին նախանձում են նույնիսկ 20-ամյա աղջիկները, գրում է spletnik.ru-ն:
Դիզայները, սակայն, շարունակում է պայքարել ավելորդ կիլոգրամների և հատկապես ցելյուլիտի դեմ:
Նրա մոտ ընկերների խոսքով՝ Դևիդ Բեքհեմը վերջերս տարվել է Hypoxi անվանումով նոր ֆիթնես համակարգով, որը ենթադրում է մարզումներ ձվի նման ծածկույթով հեծանվով:
Այդ կրեատիվ հեծանիվը հիմնված է վակուումային տեխնոլոգիաների վրա և օգնում է ակտիվացնել արյան հոսքը մարմնի ներքևի մասը: Համակարգի հիմնադիրները պնդում են, որ դա օգնում է ազատվել ճարպից և ցելյուլիտից:
Ինչ վերաբերում է դիետաներին, ապա բրիտանական Daily Mail-ի աղբյուրները պնդում են, որ Բեքհեմը սպիտակ ձուկ, բանջարեղեն և սառեցված խաղող է ուտում:
Դրանից բացի, Վիկտորյան սիրում է օրվա ընթացքում ակտիվ պարել:
Ընդ որում՝ իր 40-ամյակը Վիկտորյան պլանավորում է անցկացնել ծնողների և մոտ ընկերների՝ Եվա Լանգորիայի, Քեն Փեյվազի, Գորդոն և Թանի Ռեմսիների և ընտանիքի հետ: Արարողությունը կնշեն Լոս-Անջելեսի ռեստորաններից մեկում:
Լուրերի համաձայն՝ Դևիդը նրան 50 հազար ֆունտ արժողությամբ թևնոց կնվիրի:
