Թուրքիայում պլաստիկե փաթեթների օգտագործումը նվազել է 3-4 անգամ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ՄԱԿ-ի գլխավոր գրասենյակում կլիմայի գագաթնաժողովում իր ելույթի ժամանակ։
«Մենք 3-4 անգամ կրճատել են պոլիէթիլենային փաթեթների օգտագործումը, իսկ մինչև 2023-ը ծրագրում ենք 30 տոկոսով մեծացնել վերականգնվող աղբյուրներից էլեկտրաէներգիայի արտադրությունը։ Մենք նաև կանցնենք «Զրո թափոն» համակարգի՝ հանրապետության 400 հազար շինությունում, 35 տոկոսով կբարձրացնենք աղբի վերամշակումը»,-նշել է Թուրքիայի առաջնորդը։
Նրա խոսքով՝ «Թուրքիան այն քիչ երկրներից է, որտեղ մեծանում են անտառների տարածքները»։
«Մենք արդեն շուրջ 11 մլն տնկիներ ենք տնկել, ևս 11 մլն կտնկենք առաջիկայում՝ 30 տոկոսով անտառների տարածքը մեծացնելու համար»,-հավելել է Էրդողանը։
